Menu principal

Menu principal

Tiẓgi n Baynam : Ugar n 32 n yiṭunen n tursaḍ i d-leqḍen seg-mi yebda urman ar ass-a

Yeffeɣ-d ass n : Letniyen, 03 Ɣuct 2020 21:57   Ɣran-t : 59 n tikkal
Tiẓgi n Baynam : Ugar n 32 n yiṭunen n tursaḍ i d-leqḍen seg-mi yebda urman ar ass-a

LEZZAYER  TAMANEƔT – Ugar n 32 n yiṭunen n tursaḍ yemgarden i d-yettwaleqḍen deg teẓgi n Baynam (ataram n ugezdu n Lezzayer), seg-mi yebda ukman adawsan i d-yettwaḥetmen deg ukatar n umennuɣ mgal n Unfafad Bu Tesmert, i d-nnan deg Tmehla n tẓegwa akked tbagust tazegzawt n ugezdu n Lezzayer.

Imeggiyen n tsemhuyt n ucanṭi n tezdeg n yisunen n teẓgi n Baynam ssawḍen akken ad leqḍen ugar n 32 n yiṭunen n tursaḍ yemgarden deg tsekkiwin, gar-asent tiqerɛunin n urelluc akked tid n uplastik, tursaḍ n ukarṭun akked usaɣur akked wid yuzzaren deg tqaɛet, amahil-a yeṭṭef akud n wugar n 5 wayyuren aya (seg taggara n furar ar taggara n yulyu-a aneggaru) seg-mi yebda ukman adawsan, i d-tenna temkelleft n teɣwalt n tmehla-nni, Imene Saidi.

Ugar n 1600 n tyelwin ideg yella wazal n 20 kg n tursaḍ, aya d agdazal n ulqaḍ n 80 n tyelwin i yimalas, tamzelt-a tettwasuddes deg yiwen n yiswi n umesten n tduli n yimɣan akked tellunin tizegzawin yallan, s imeslayen-iḍen, d amesten n twennaḍt, i terna tenna-d Massa Saïdi, tezzireg-d dakken imeggiyen n usizdeg n tsemhuyt la ttɛassan s usṭuqqet n tikli deg yimeḍqan-a akked usizdeg yal taggara n yimalas akked wallus n usmahel n kra n tursaḍ ladɣa asɣar.

Ɣef wakken i d-yenna uɣbalu-nni, ggten yinerzafen i la yettruḥun ɣur tiẓgi n Baynam, ladɣa deg taggara n yimalas, ɣas akken yella uɣtas n ugezdu i isekkren akk tallunin tizegzawin yellan akked tẓegwa deg ukatar n umennuɣ mgal n waṭan.

Tessegzi-d tmasayt-a dakken asṭuqqet n rrwaḥ ɣur teẓgi n Baynam yekka-d seg umdal teftisin akked kra n tẓegwa n temdint.

Tiẓgi n Baynam : Ugar n 32 n yiṭunen n tursaḍ i d-leqḍen seg-mi yebda urman ar ass-a
  Yeffeɣ-d ass n : Letniyen, 03 Ɣuct 2020 21:57     Taggayt : TIMNAḌIN     Ɣran-t : 59 n tikkal   Bḍu