Print this page

Mestɣanem-Anfafad bu uqacuc: Tasemhuyt n usnebdu tettwaɣ

Yeffeɣ-d ass n : Ttlata, 30 Yunyu 2020 13:21   Ɣran-t : 433 n tikkal
  • Bḍu
Mestɣanem-Anfafad bu uqacuc: Tasemhuyt n usnebdu tettwaɣ

MESTƔANEM – Tasemhuyt n usnebdu n useggas-a deg Mestɣanem tettwaɣ ɣef lǧal n uzraɛ n unfafad bu uqacuc d umdal n teftisin, iɣsuren imerranen d yisensa, tallunin n umzel d tneggiwin n usikel seg wayyur n Meɣres yezrin.

Abrid afayan n utaram n Mestɣanem, gar Salamandre d Sablettes, qrib d ilem. Imesnebda d yimerdaben drusit, yernu kra seg wid yettarmen ad redben s tuffra, tteddun ɣer kra n teftisin tineẓra yellan deg tkuṛnict-a.

« Imi ur ḥejjṛen ara medden ideggen deg yisensa d tnezduɣin timerranin d umdal n tsemhuyt n usnebdu ɣef lǧal n tezɣent tadawsant d ayen ay yeǧǧa medden ad swexxren anurẓem-nsen aseggasan yegla-d s usemdu d ameqran ɣef urmud n yisensa d yisuddisen imerranen », ɣef wakken ay d-tenna tnemhalt n tmerrit d tenḍi, Hayet Mammeri.

Aɣtas n umdal n teftisin d tdumṣukin n umzel d yifergan d ayen ay d-yeglan s tusurt d tameqrant ɣef urmud amerran ay iḥuzan ladɣa afrag n umzel d wurti n yiɣersiwen n « Mostaland » d wurti n wuraren n waman n « Xerruba Aquaparc », am wakken ay iḥuza daɣ tiẓgi n umzel d usgunfu wuɣur d-rezzun aṭas n medden deg tsemhuyt n usnebdu, ladɣa imi amelyun n yinerzafen ay d-yerzan ɣef twilayt-a deg unebdu n 2019.

 

Last modified on Lexmis, 09 Yulyu 2020 11:37
Mestɣanem-Anfafad bu uqacuc: Tasemhuyt n usnebdu tettwaɣ
  Yeffeɣ-d ass n : Ttlata, 30 Yunyu 2020 13:21     Taggayt : TIMNAḌIN     Ɣran-t : 433 n tikkal   Bḍu