Menu principal

Menu principal

Aselway Tebboune yumeṛ asiweḍ n tetrist d wurrig ɣer unẓul d twilayin tigensiyin n tmurt

Yeffeɣ-d ass n : Letniyen, 29 Yunyu 2020 12:58   Ɣran-t : 1 n tikkal
Aselway Tebboune yumeṛ asiweḍ n tetrist d wurrig ɣer unẓul d twilayin tigensiyin n tmurt

LEZZAYER TAMANEƔT – Yumeṛ uselway n tegduda, Abdelmadjid Tebboune, ass n usamas, deg useqqamu n yineɣlafen ay yesselwi, s usiweḍ n tetrist d wurrig ɣer twilayin tigensanin, ladɣa tid n unẓul.

Deffir ma yella-d uskasi yernu yettwaqbel uneskin ay d-iqeddem uneɣlaf n teẓwert ɣef tegnit wuɣur yewweḍ usiweḍ n teẓwert ɣer wasunen imguranen d yizzikiten ikerrazanen, yesmekti-d uselway n tegduda dakken iweṣṣa-d ya s ufaki, war leɛḍil, n usiweḍ n tetrist d wurrig ladɣa ɣer twilayin n unẓul.

Tamhelt-a d tin ara yeǧǧen tamguri d tkerrazt ad ǧǧuǧǧgent deg temnaḍin-a, am wakken ara d-yesseɣnew waya timras.

Yules iwekked-d uselway n tegduda dakken yugi tabiruqraṭit ay ireglen abrid i yiɣermanen infarasen, ladɣa deg tkerrazt anda ay d-ttemlilin uguren ɣef lǧal n lexṣaṣ n tetrist d wurrig, sakkin, ttwaḥṛasen akken ad rren ireḍḍalen-nsen.

Iweṣṣa daɣ akken wid yessefrayen deg tkerrazt d temguri ad asen-ssifessen iriri n yidrimen ay ttwalasen arma d asmi ara bdun afares.

Ɣef leḥsab n uneskin n uneɣlaf, 2726 n yisutren n tuqqna n yizzikiten ikerrazanen ɣer tetrist ay yettwaznen i yiduba inagduden, gar-asen 1010 n yisutren kkan-d seg unẓul n tmurt.

Ahil amakki n tuqqna ɣer tetrist d win yerzan tuqqna n 50 n wasunen imguranen ɣer uẓeḍḍa atrisan, 44 seg-sen d asunen ay tessefray twilayt, ma d 6 seg-sen tessefrak-iten Tnegga Taɣelnawt n Ubdammas d Useɣyed Aferkan, yernu tagnit-a teḥwaj ad as-alsen tamuɣli.  

 

Aselway Tebboune yumeṛ asiweḍ n tetrist d wurrig ɣer unẓul d twilayin tigensiyin n tmurt
  Yeffeɣ-d ass n : Letniyen, 29 Yunyu 2020 12:58     Taggayt : TIMNAḌIN     Ɣran-t : 1 n tikkal   Bḍu