Menu principal

Menu principal

Suq Ahṛas: Qrib ad d-yewjed yiwen n usudu aɣelnaw yemmuzzgen deg twennaḍt d tmerrit

Yeffeɣ-d ass n : Ttlata, 26 Mayu 2020 13:16   Ɣran-t : 3 n tikkal
Suq Ahṛas: Qrib ad d-yewjed yiwen n usudu aɣelnaw yemmuzzgen deg twennaḍt d tmerrit

SUQ AHṚAS – Deg 2021, ad d-yewjed yiwen n usudu aɣelnaw yemmuzzgen deg twennaḍt d tmerrit deg twilayt n Suq Ahṛas, ɣef wakken ay d-yenna, ass n uynas, unemhal adigan n ugzum-a, Sebti Hassida.

Asudu-a aɣelnaw amaynu bdan bennun-t deg 2016 yernu d win aydeg ara d-ssilɣen imezrawen deg twennaḍt, asefrek n waman d tmerrit, ɣef wakken ay d-yenna umasay-a, ay d-yernan dakken aɣsur-a ad yettwabnu tama n Tesdawit n Mohamed-Cherif-Messadia yernu ad yesɛu 300 n yideggen isensegmanen d unaṭṭas n 120 n wusuten.

Aɣsur-a ad d-yernu ɣer yidis n 3 n yiɣsuren iɣelnawen yemmuzzgen deg usileɣ yellan deg twilayt-a, yernu wi d Asudu n Samai-Nouar yellan deg temdint n Suq Ahṛas, Asudu Yemmuzzgen deg Tmeṣkiwt d Yimahilen Inagduden n Sedṛata akked Usudu Yemmuzzgen deg Tkerrazt d Temguri n Tuččit n Mdawṛec, ɣef wakken ay d-yerna umasal-a.

Yerna-d unemhal-a dakken akk isuda-a gan-ten akken ad ilin i lmendad n yisraten n wulzuz adigan n umahil, takerrazt d tmerrit deg temnaḍt n Suq Ahṛas.

I usmekti, agzum n usileɣ d uselmed amsadur n twilayt n Suq Ahṛas yesɛa 3 n yisuda iɣelnawen yemmuzzgen, 16 n wammasen n usileɣ d 2 n temruzin yellan deg tɣiwanin n Xḍara d Wad Kebrit. Iɣsuren-a sɛan akettur aneẓri amakki n 4875 n yideggen isensegmanen wuɣur ara d-rnun 250 n yideggen ay sɛan 2 n yiɣsuren usligen n usileɣ.

 

Suq Ahṛas: Qrib ad d-yewjed yiwen n usudu aɣelnaw yemmuzzgen deg twennaḍt d tmerrit
  Yeffeɣ-d ass n : Ttlata, 26 Mayu 2020 13:16     Taggayt : TIMNAḌIN     Ɣran-t : 3 n tikkal   Bḍu