Menu principal

Menu principal

Aseɣzef n ukman deg ugezdu n Lezzayer : yessefk ad as-nales asufeɣ i usireg n tiddin

Yeffeɣ-d ass n : Laṛebɛa, 13 Mayu 2020 19:07   Ɣran-t : 64 n tikkal
Aseɣzef n ukman deg ugezdu n Lezzayer : yessefk ad as-nales asufeɣ i usireg n tiddin

LEZZAYER  TAMANEƔT – Imeẓla n ugezdu n Lezzayer ulsen-d ɣef wakken yessefk ad ad yales umdan i usireg-is afeɣnami n tiddin seg tsuda tideblanin n ugezdu, aya seg d-yella usiɣzef n twala n uzgen-akman alamma d ass n 31 mayu, i d-nnan, ass n usinas (ttlata), yimeẓla-nni.

"Seg yeɣtes uneɣlaf Amezwaru ad yessiɣzef i ukman adawsan s yiwet n twala-nniḍen n 15 wussan (seg wass n 15 ɣer 31 mayu 2020), imeẓla n ugezdu n Lezzayer nnan-d i wakk tisuda tinagdudin akked tusligin, i wid akk yettmahalen irmuden-nsen deg ugzum adamsan akked win n tnezzut akked uḥric n yimidyaten, yessexdamen imehhalen yesɛan yakan isirgen n tiddin almend n umahil-nsen i d-wwin seg tedbelt, dakken isirgen-a mmuten, ɣef waya i yessefk ad asen-d-talsem", i d-sseddin yimeẓla n ugezdu deg yiwen n ulɣu i d-yettwaẓergen deg usebter n Facebook.

Deg wayen yerzan tisuda tinagdudin neɣ tusligin, isemzalen idamsanen akked wid ilan irmuden deg ugzum adamsan akked win n tnezzut, yessefk ad ruḥen srid ɣer tedbelt i ten-iqerben i wakken ad d-alsen i usufeɣ i usiger afeɣnami, i yerna yenna-d uɣbalu-nni.

Ma yella d timṣukin n yimidyaten, yessefk ad aẓen ɣer tegrawin n teɣwalt n ugezdu n Lezzayer, ad glun s wumuɣ n yismawen n yimdanen yettwasirgen yakan i wakken ad ddun almend n umahil-nsen, akked tebratin n wahil-nsen i wakken ad asen-d-fken asireg amaynu n tiddin.

Yessefk daɣen ad yili uqader n tewtilin n usemres n yisirgen deg wayen yerzan aqader n tenzagt-nsen akked usemres-nsen anagar deg yiswan-is. Acku arkaḍ n tewtilin-a ad yeglu s tukksa n usireg akked tkeṛṛusin-nsen.

Last modified on Ttlata, 26 Mayu 2020 13:21
Aseɣzef n ukman deg ugezdu n Lezzayer : yessefk ad as-nales asufeɣ i usireg n tiddin
  Yeffeɣ-d ass n : Laṛebɛa, 13 Mayu 2020 19:07     Taggayt : TIMNAḌIN     Ɣran-t : 64 n tikkal   Bḍu