Menu principal

Menu principal

Waregla: Amcicki gar Tesdawit n Kasdi-Merbah d tɣerɣert n COURSERA n temsirin s Internet

Yeffeɣ-d ass n : Ssebt, 18 Yebrir 2020 14:09   Ɣran-t : 186 n tikkal
Waregla: Amcicki gar Tesdawit n Kasdi-Merbah d tɣerɣert n COURSERA n temsirin s Internet

WAREGLA – Tasdawit n Kasdi-Merbah n Waregla d tɣerɣert n tmeɣra s Internet n COURSERA gan-t amtawa n ticcurka i lmend n usileɣ n yisdawanen n Waregla deg tmezzugin yemgerraden, ɣef wakken ay aɣ-d-xebbren, ass n usiḍyas, yimasayen n tesdawit-a.

Ticcurka-a d tin aydeg ara d-ssumren i yimezrawen, ideblanen, iselmaden d yigurdisen iqburen n Tesdawt n Kasdi-Merbah n Waregla 5.000 n turagin deg tɣerɣert n COURSERA d temkarḍit n 3.737 n temsirin deg tmezzugin yemgerraden (tasenselkimt, tasengama, tussniwin talsanin, asaḍuf, tadamsa, tadbelt, tutlayin, tasekla d tiyaḍ), ɣef wakken ay aɣ-d-nnan.

Turagin-a ara yettwazerwzen « bennan » d tid aydeg llant 4000 i lfayda n yimezrawen, 650 i yiselmaden, 250 i yideblanen, ma d 100 niḍen llant i lfayda n yigurdisen iqburen.  

Amtawa-a yella-d deg ukatar n wussisen d-yellan i urẓam n tesdawit ɣef twennaḍt-nnes tagraɣlant, ladɣa s ubrid n ulmad aliktṛunan i uselhu n tɣara n usileɣ d uswir n unadi ussnan, ɣef wakken ay d-wekkden.

COURSERA d yiwet seg tɣerɣar tumḍinin timeqranin akk deg umaḍal, d tin ay d-yessumuren timeɣra yemmuzzgen, iselkinen d yigerdasen s Internet d usfaydi seg usileɣ bennan, ɣef wakken ay d-iwekked unmazul n unemhal d-yelhan s wassaɣen uffiɣen, anmireg, asudder d teɣwalt, Mourad Kourichi.

Xebbren-d dakken wid ay yeɣsen ad ssiggzen, sɛan arma d 30 Yebrir 2020 akken ad gen aya, yernu wid yettwaqeblen ad d-ṭṭfen amayel aydeg yella useɣwen ɣer yimiḍanen-nsen n COURSERA.

 

Last modified on Laṛebɛa, 29 Yebrir 2020 13:00
Waregla: Amcicki gar Tesdawit n Kasdi-Merbah d tɣerɣert n COURSERA n temsirin s Internet
  Yeffeɣ-d ass n : Ssebt, 18 Yebrir 2020 14:09     Taggayt : TIMNAḌIN     Ɣran-t : 186 n tikkal   Bḍu