Menu principal

Menu principal

20 n wussan n ukman deg Blida : Altaɣ hrawen deg yiɣefdeg n ugezdu, d asellaw deg tɣiwanin nniḍen

Yeffeɣ-d ass n : Laṛebɛa, 15 Yebrir 2020 16:06   Ɣran-t : 601 n tikkal
20 n wussan n ukman deg Blida : Altaɣ hrawen deg yiɣefdeg n ugezdu, d asellaw deg tɣiwanin nniḍen

BLIDA – Aɣtas n ukman aɣrud, i d-yettwaḥettmen 20 n wussan aya deg ugezdu n Blida, i wakken ad yeḥbes uzuzzer n unfafad Buqacuc Covid-19, yella-d fell-as ultaɣ hrawen n yiɣermanen deg tlemmast n temdint n Blida, deg yiwet n teswiɛt ideg tiɣiwanin n ugezdu sellawit aṭas deg wayen yezan aḍfar n yiwellihen, ɣas akken yella-d yiwen n usḥulfu ameqran. D yiwet n liḥala i la d-yeɣɣaren i useǧhed n yikaten n uɛaqeb mgal wid ur nettqadar ara akman, d ayen i nwala s wallen-nneɣ.

Deg yiwet n tuzzya i nga deg yigmamen akked yiɣladen n tlemmast n temdint n Blida, Tanegga n Yisalan n Lezzayer twala dakken yella-d yiwen n uḍfar hrawen n yikaten n ukman aɣrud, d akat i yettwaddmen seg i skelsen amḍan ameqran n yimdanen i yeṭṭef unfafad Covid-19 deg ugezdu.

Deg yisragen imezwura n tnezzayt n yal ass i la d-teffɣen kra n yimdanen. Teffɣen-d yiɣermanen i wakken ad qḍun ayen i ten-ixuṣṣen war ma ttun tikmamin, i yuɣalen d taɣawsa yettwaḥettmen ɣef yal win yebɣan ad yelḥu deg ubrid. Maca deffir n yimekli, ttuɣalen yiɣladen d ilmawen.

Ɣef wakken i yettwali uɣerman-a, "aqader n ukman i la nettwali deg tlemmast n temdint n Blida, d agmuḍ n yikaten iweɛranen i d-ḥetmen d iɣil yimeẓla n tɣellist, ṣekkren akk iɣladen, ulac amek ara tṛuḥeḍ seg uɣlad ɣer wayeḍ rnu-as taɛessast akked usefqed n yimsulta". "Mačči d tafrit i yulin ɣer yimdanen", i aɣ-d-yenna.

Ɣef wakken i d-yers deg tecrawt i aɣ-d-dfkan yimeẓla n tɣellist n ugezdu n Blida, azal n 1.978 n yimdanen i yettwaṭṭfen acku ur qudren ara iɣtasen n ukman aɣrud, i yettwaḥettmen ɣef ugezdu seg wass n 24 meɣres yezrin. Imdanen-a i neṭṭef, nga-asen akaram ara anazen i teɣdemt, sakin ad ten-neslelli, nekkes daɣen i yimawlan-nsen 811 tkeṛṛusin akked 307 yimuṭuten, i aɣ-d-yesseddi uɣbalu-nni.

 

Last modified on Ssebt, 18 Yebrir 2020 14:11
20 n wussan n ukman deg Blida : Altaɣ hrawen deg yiɣefdeg n ugezdu, d asellaw deg tɣiwanin nniḍen
  Yeffeɣ-d ass n : Laṛebɛa, 15 Yebrir 2020 16:06     Taggayt : TIMNAḌIN     Ɣran-t : 601 n tikkal   Bḍu