Ad ldin yizirigen n umiṭru ara iruḥen seg Lezzayer ɣer Berraqi akked Unafag Houari Boumediene deg tazwara n useggas n 2019

Yeffeɣ-d ass n : Laṛebɛa, 18 Yebrir 2018 16:26   Ɣran-t : 301 n tikkal
Ad ldin yizirigen n umiṭru ara iruḥen seg Lezzayer ɣer Berraqi akked Unafag Houari Boumediene deg tazwara n useggas n 2019

LEZZAYER  TAMANEƔT – Anemhal amatu n Teṛmist n Umiṭru n Lezzayer (EMA), Kouraba Mustapha, yenna-d dakken ‘’la teddun yimuhal’’ akken ad yekfu uḥric n usnerni n Umiṭru n Lezzayer seg teɣsert n Lḥerrac ɣer Unafag agraɣlan Houari Boumediene akked win n Ɛin Nneɛǧa (Tala n Taɣaḍt) ɣer Berraqi deg tazwara n useggas n 2019.

‘’La teddun yimuhal akken n usnerni n yizirigen n Umiṭru n Lezzayer seg teɣsert n Lḥerrac ɣer Unafag agraɣlan Houari Boumediene akked seg tin n Ɛin Nneɛǧa (Tala n Taɣaḍt) ɣer Berraqi akken ad kfun deg tazwara n useggas n 2019’’, i d-yesseddi Mass Kouraba i d-yesnekden yiwet n tefser ɣef usnefli n ugzum deg wass awamni i d-tessuddes Tesɣimt n umesni akked tiliɣwalin n Ugraw aɣerfan aɣelnaw.

Yenna-d umasay-nni dakken izirig yeqqnen Ɛin Nneɛǧa ɣer Berraqi ila 6 n yikilumitren ideg llant 6 n teɣsar, ma d win n Lḥerrac yeqqnen ɣer Unafag agraɣlan Houari Boumediene deg-s 9,5 n yikilumitren deg teɣzef ideg rsent 9 n teɣsar.

Yerna yenna-d Mass Kouraba dakken tizrawin yerzan asnerni n uzirig n umiṭru seg Umraḥ n Yimeɣrasen ɣer Bab Lwad (8 km) akked Dely Ibrahim, Wlad Fayet, Cerraga, Lɛacur akked Drarya (14 km) kfant, ur ttɛeṭṭilen ara ad bdun yimuhal.

Ad ldin yizirigen n umiṭru ara iruḥen seg Lezzayer ɣer Berraqi akked Unafag Houari Boumediene deg tazwara n useggas n 2019
  Yeffeɣ-d ass n : Laṛebɛa, 18 Yebrir 2018 16:26     Taggayt : TIMNAḌIN     Ɣran-t : 301 n tikkal   Bḍu