Tizi Uzzu: aciri n teẓrigt 1ut n tmesrit n ussemres

Yeffeɣ-d ass n : Ttlata, 10 Yebrir 2018 12:25   Ɣran-t : 79 n tikkal
Tizi Uzzu: aciri n teẓrigt 1ut n tmesrit n ussemres

TIZI UZZU – Caren taẓrigt tamezwarut n tmesrit n ussemres n twilayt n Tizi Wezzu, ass n letniyen deg ufrag n « Tameɣra » ay d-yusan deg temdint tamaynut n Tizi Uzzu.

Tamesrit-a yessuddes-itt Wammas n Usnegmu n Tizzelt (CDC) d Usudu Aɣelnaw n Tussniwin n Teɣwalt (INSC) s umyalel d yiwet n tuddsa tarnabaḍt tamarikanit isem-nnes World Learning yernu tella-d ddaw leɛnaya n uwali n Tizi Uzzu. Azwel n tedyant-a d « Tamesrit n Tzitla » yernu bɣan-t yimsuddsen-nnes ad yili d tanezgart gar yisemrasen d yimsutren n umahil deg twilayt-a.  

Ugar n 50 n yimzikknen ay yettekkan deg tmesrit-a ara yeqqimen sin n wussan yernu d tin aydeg ara d-ilin daɣ yisaragen ara gen yimasayen n wudusen yemgerraden, gar-asen wid n Tnegga Taɣelnawt n Udhal n Ussemres n Yilemẓiyen d wid n Tnegga Taɣelnawt n Ussemres akked yiɣfawen n teṛmisin, am wakken ara d-ilint tnemsal n ussileɣ.

Gar yiswan n tmesrit-a yella urẓam n tewwura i yilemẓiyen ur yesɛin amahil akken ad mlilen d yiɣfawen n teṛmisin yernu ad sɛun tagnit aydeg ara ssiwlen gar-asen ɣef wamek ay zemren ad afen amahil.

Last modified on Ttlata, 10 Yebrir 2018 13:55
Tizi Uzzu: aciri n teẓrigt 1ut n tmesrit n ussemres
  Yeffeɣ-d ass n : Ttlata, 10 Yebrir 2018 12:25     Taggayt : TIMNAḌIN     Ɣran-t : 79 n tikkal   Bḍu