Ṭṭaref : ugar n 60 000 n yigḍiḍen n waman iminigen i ssiḍnen deg Ṭṭaref (afrag aɣelnaw n Lqala)

Yeffeɣ-d ass n : Lexmis, 15 Fuṛaṛ 2018 15:19   Ɣran-t : 64 n tikkal
Ṭṭaref : ugar n 60 000 n yigḍiḍen n waman iminigen i ssiḍnen deg Ṭṭaref  (afrag aɣelnaw n Lqala)

ṬṬAREF – Tigawt n usiḍen n yigḍaḍ n waman deg twilayt n Ṭṭaref  teḍra-d deg wayyur n yennayer-a aneggaru, ufan agmuḍ-is yewweḍ ɣer 63.958 n yigḍaḍ i d-iɛeddan deg usun ugrit n twilayt-a, i d-nnan ass n lexmis yimeẓla n ufrag aɣelnaw n Lqala (PNEK).

Ɣef wakken i d-yenna uɣbalu-nni, tamzelt, i tga s ucrak akked yimeẓla n tẓegwa, tessaweḍ akken ad tini dakken asun ugrit yellan berra n ufrag aɣelnaw n Lqala (PNEK) iɛedda deg-s uḥric ameqqran n yigḍaḍ n waman yessawḍen ɣer 35.724 n yigḍaḍ mgal 28.234 yellan deg ufrag aɣelnaw n Lqala (PNEK).

Iwekked-d dakken amḍan n yigḍaḍ i walan deg Ṭṭaref  yekka-d nnig n wid yellan deg temdinin n ccerq n tmurt, aɣbalu-nni yefka-d ttfaṣil i yessawḍen akken ad nẓer acḥal yellan n yigḍaḍ iminigen, ufan yella wazal n 39.569 n yigḍaḍ ilan iḍarren n uɛummu akked 28.300 nniḍen ilan iḍarren i yes-s zemren ad ɛummen akked ad lḥun ɣef wakal.

 

Ṭṭaref : ugar n 60 000 n yigḍiḍen n waman iminigen i ssiḍnen deg Ṭṭaref (afrag aɣelnaw n Lqala)
  Yeffeɣ-d ass n : Lexmis, 15 Fuṛaṛ 2018 15:19     Taggayt : TIMNAḌIN     Ɣran-t : 64 n tikkal   Bḍu