Tabatent: tadayṛa n Barika tesfugel amulli wis 59 n tmettant n wemjahed Laamri Maadjoudj

Yeffeɣ-d ass n : Ttlata, 13 Fuṛaṛ 2018 12:21   Ɣran-t : 473 n tikkal
Tabatent: tadayṛa n Barika tesfugel amulli wis 59 n tmettant n wemjahed Laamri Maadjoudj

TABATENT – Tesfugel tdayṛa n Barika (tawilayt n Tbatent), ass n letniyen, amulli wis 59 n yiseggasen n tmettant n wemjahed Laamri Maadjoudj, ay yeɣlin deg yiger n yiseɣ ass n 12 Fuṛaṛ 1960.

 Tafugla n tejmilt i umeɣrus-a tella-d deg Ɛin Ḥimer, d iɣrem aydeg ay d-ilul umeɣrus-a, yernu din ay d-ɣran Lfattiḥa i yimeɣrusen am wakken ay ssersen tameqqunt n tjeǧǧigin i tmenzit ay sbedden i ummekti n wasaḍen-a n tmurt, s weḥdaṛ n uwali Abdelkhalek Sayouda d yemjahden n temnaḍt.

 Deg yiwet n tebṛat ay d-yeɣra unemhal adigan n yemjahden, yeckeṛ-d uneɣlaf n yemjahden, Tayeb Zitouni, tasḍa n umeɣrus-a ay yefkan kullec i lmend n tmurt.

 Yenna-d daɣ uneɣlaf deg tebṛat-nnes dakken aɣlif-nnes yessers-d akk ttawilat i lmend n weḥraz n tkatut d tirawt n umezruy s uqader n uwehhiyen n uselway n tegduda, Abdelaziz Bouteflika ay yezgan yettḥettit-d ɣef tixxutert n umezruy d tmezgiyin tiɣelnawin.

 Ma d amjahed Abderrahmane Guettal, n tnarit n yemjahden n Barika, yenna-d dakken ameɣrus Laamri, ay ilulen deg 1930 deg Ɛin Ḥimer, yedda naqal ɣer Fṛansa deg 1950 akken ad imahel, sakkin, yuley ɣer wedrar deg 1955 ɣer yidis n Abdelkader Azil, ay d-ilulen ula d netta deg temnaḍt-a.  

 Yettekka umeɣrus-a deg wacḥal n yimenɣiyen uqbel ma yemmut ass n 12 Fuṛaṛ 1960 ɣer 30 n yiseggasen.

 Rran daɣ tajmilt i twacult n umeṛḥum am wakken ay ssuddsen tazikkent n tewlafin i lmend n waya.

Last modified on Ttlata, 13 Fuṛaṛ 2018 14:12
Tabatent: tadayṛa n Barika tesfugel amulli wis 59 n tmettant n wemjahed Laamri Maadjoudj
  Yeffeɣ-d ass n : Ttlata, 13 Fuṛaṛ 2018 12:21     Taggayt : TIMNAḌIN     Ɣran-t : 473 n tikkal   Bḍu