Aṭramway n Sidi Belɛebbas yessadef-d 33 n yimelyunen n yidinaṛen deg Yennayer

Yeffeɣ-d ass n : Letniyen, 05 Fuṛaṛ 2018 11:36   Ɣran-t : 78 n tikkal

SIDI BELƐEBBAS – Yessadef-d weṭramay n Sidi Belɛebbas, deg wayyur kan n Yennayer, 33 n yimelyunen n yidinaṛen, yernu d aya ay d-yesskanayen rrbeḥ n ttawil-a atrar n umesni ay yebdan amahil deg Yulyu yezrin, ɣef wakken ay d-yenna uselway-anemhal amatu n teṛmist n Setram, Pierrick Poirier. 

Deg yiwen n wemyager d tɣemsa deg Sidi Belɛebbas, iwekked-d umasay-a dakken d tikkelt tamezwarut aydeg ara d-tessidef Setram anect-a akk n lfayda deg yiwen kan n wayyur yernu aya d assebɣes i ukemmel n wussisen d ussumer n umeẓlu yelhan ugar i yiseqdacen n ttawil-a n umesni.

Aṭramway n Sidi Belɛebbas yeqqel d tawelha i yisenfaren niḍen n weṭramway deg tmurt ladɣa imi ay yessaweḍ ad d-yessidif anect-a akk n lfayda 6 kan n wayyuren deffir ma yebda uɣellet-nnes, ɣef wakken ay d-yenna Mass Poirier, ay d-yernan dakken rrbeḥ-a ttekkan deg-s yemgiyen yemgerraden gar-asen aɛeddi n yizirig n weṭramway-a ɣef wacḥal n yegmamen n tnezduɣt d yimukan yesɛan azal deg Sidi Belɛebbas am yesbiṭaren, tasdawit d teɣsert n yisakalen, yernu taɣara-nnes n umeẓlu telha.

Ma d anemhal n tigget tamehlant n weṭramway n Sidi Belɛebbas, Patrick Courtaudons, yenna-d dakken aṭramway n Sidi Belɛebbas d yiwen seg yisenfaren ixataren akk n umesni deg tmurt n Lezzayer imi aṭas n yemsiklen ay t-yesseqdacen, yernu deg wayyur n Dujembeṛ 2017 i yiman-nnes kan, amelyun n yemsiklen ay irekben deg-s s tlemmast n 40.000 n yesmiklen deg wass.

Amasay n uɣellet deg Seram, Ryad Nabil Faim, yenna-d dakken, ɣef lǧal n wemḍan meɣɣren n yiseqdacen, ɣetsen ad rnun amḍan n tmacinin arma yuweḍ ɣer 22, yernu akud-nnes n uɣellet ibeddu ɣef tis 5:30 n tnezzayt, yettfaka ɣef tis 10:00 n tmeddit. 5.500 n yemdanen ay yesseqdacen aṭramway s tkarḍa n unnezdi.

Ḥedṛen, deg wemyager-a d tɣemsa, yikataren n tigget tamehlant n weṭramway d yigensasen n wegzum n umesni akken ad skasin ɣef wuguren itwilanen, d uguren ay ttwalin yimasayen d taɣawsa n menwala imi ay d-yettilin deg yal tikkelt aydeg ara yebdu uɣellet n usenfar n umesni, am wakken ay ssawlen ɣef ussileɣ n yimeggiyen n ussefqed akken ad ḍemnen ameẓlu n tɣara yernu ad nnaɣen mgal wedɣal.

 

Last modified on Letniyen, 05 Fuṛaṛ 2018 12:42
Aṭramway n Sidi Belɛebbas yessadef-d 33 n yimelyunen n yidinaṛen deg Yennayer
  Yeffeɣ-d ass n : Letniyen, 05 Fuṛaṛ 2018 11:36     Taggayt : TIMNAḌIN     Ɣran-t : 78 n tikkal   Bḍu