Menu principal

Menu principal

LEZZAYER TAMANEƔT – Ugar n 32 n yiṭunen n tursaḍ yemgarden i d-yettwaleqḍen deg teẓgi n Baynam (ataram n ugezdu n Lezzayer), seg-mi yebda ukman adawsan i d-yettwaḥetmen deg ukatar n umennuɣ mgal n Unfafad Bu Tesmert, i d-nnan deg Tmehla n tẓegwa akked tbagust tazegzawt n ugezdu n Lezzayer.
LEZZAYER TAMANEƔT – Aneɣlaf n Ugensu, n tenbazin tidiganin icar-d, ass n usamas (lḥedd) deg yiwen n ulɣu, abeddel n yisragen ukman uzgin deg tnezduɣin deg kraḍ (03) n tɣiwanin n ugezdu n Tmenɣast, seg usrag wis 17h00 ar azekka-nni ɣef usrag wis 05h00, aya akk, deg yiwet n tenzagt ara yeqqimen 15 n wussan, seg uzekka n uynas (letniyen).
LEZZAYER TAMANEƔT – Imeẓla ideblanen n ugezdu n Lezzayer fkan-d, seg-mi yebda ukman uzgin, azal n 56.000 n wuragen ifeɣnamiyen n tikli i lfayda n yimsemzalen yemgarden ama d inagduden neɣ d usligen deg ugzum adamsan akked win n tnezzut akked yiɣmisen, i d-yenna, ass n usiḍyas (ssebt), uɣella n ugezdu n Lezzayer, Youcef Cherfa.
LEZZAYER TAMANEƔT – Ad yebdu yiwen n ukman uzgin seg wass n usimwas (lǧemɛa) d afella, ɣef usrag wis 13h00 ar wis 05h00 n tnezzayt, deg mraw (10) n tɣiwanin n ugezdu n Tipaza, aya ad yeqqim yiwet n tenzagt n mraw (10) wussan, deg ukatar n useǧhed n wakaten n uḥezzeb mgal n uzuzzer n Unfafad Buqacuc, i d-yenna ass n ukwas (lexmis) yiwen n ulɣu n uɣlif n Ugensu, n tenbazin tidiganin akked Uṣeggem n wakal.
LEƔWAḌT – Aneɣlaf n Tdawsa, n Tɣerfa akked Tsemmeskelt n yisegnafen, Abderrahmane Benbouzid icar-d ass n usinas (ttlata) asgalef n Unammas n usegnaf asdawan (CHU) n Leɣwaḍt n yiwet n tzeqqa yemmuzgen tenult (asekcem n yiwen n uqalus deg tiẓuran).
LEZZAYER TAMANEƔT – Ad yettwaḥettem yiwen n ukman uzgin seg wass n ukras d afella, seg usrag wis 13h00 ar azekka-nni ɣef wis 05h00, deg 18 n tɣiwanin n ugezdu n Sṭif, ad tenzeg twala-a mraw d semmus n wussan, deg ukatar n useǧhed n wakaten n uḥezzeb mgal n uzuzzer n Unfafad Buqacuc, i d-yenna ass n usinas (ttlata) yiwen n ulɣu n uɣlif n Ugensu, n Tenbazin tidiganin akked Useggem n wakal.
LEZZAYER TAMANEƔT – Imeẓla n ugezdu n Lezzayer caren-d, ass n ukras (larebɛa) deg yiwen n ulɣu, dakken yettwagdel wakk tisekkiwin n umsegrew n twaculin, ladɣa asfuggel n tissulya akked uxtan, yellan tura d allal yettkemmilen azuzzer n waṭan, aya yedda-d deg ukatar n wakaten yerzan aseǧhed n tikli tafarant yettleɣwin i yettwasmemmin mgal n Unfafad Buqacuc Covid-19.
MESTƔANEM – Tasemhuyt n usnebdu n useggas-a deg Mestɣanem tettwaɣ ɣef lǧal n uzraɛ n unfafad bu uqacuc d umdal n teftisin, iɣsuren imerranen d yisensa, tallunin n umzel d tneggiwin n usikel seg wayyur n Meɣres yezrin.
LEZZAYER TAMANEƔT – Yumeṛ uselway n tegduda, Abdelmadjid Tebboune, ass n usamas, deg useqqamu n yineɣlafen ay yesselwi, s usiweḍ n tetrist d wurrig ɣer twilayin tigensanin, ladɣa tid n unẓul.
SṬIF – Imeẓla n tɣellist n ugezdu n Sṭif la sṭuqquten tilin-nsen deg unnar ussan-a ineggura i usḥulfu n yiɣermanen ɣef tmelsiwt n tgelmusin n umesten akked umelay ɣef wakken yessefk ad d-yili uqader n wakaten n uḥezzeb mgal n uzuzzer n Unfafad Bu Tesmert Covid-19, akka i nwala.