LEZZAYER TAMANEƔT – Ad yeɣli unẓar s rrɛud deg twilayet n Beccar yernu ad yili waḍu, i d-tenna ass n lḥedd Tuddsa taɣelnawt n tesnignewt (ONM) deg urabul asnignawan uzzig.
LEZZAYER TAMANEƔT- Tisaɛtin n uxeddim deg tdebliwin d yimeẓla inagduden deg twilayin n unẓul n tmurt ttwasqeɛdent i wayyur n Ɣuct, s ssebba n lmuja n uzɣal i yellan deg temnaḍt-a, ɣef akken dyenna ass n lḥed yiwen n ulɣu n weɣlif n uxeddim d tɣellist tanmettant, akked tmehla tamatut n twuri tanagdudt akked tesmeskelt tadeblant.
LEZZAYER TAMANEƔT- Sin n isettayen n tehyufin i yettwaṭṭefen, ɣer yidis n usnasew n kraḍ (3) ikilugramen n lkif, ass n lḥed, deg tyaret, sɣur yiwet n tsensirt n tredsa tapqelnawt taɣerfant (ANP), s umɛiwen akked n yiɛeggalen n tmesetla taɣelnawt, ɣef akken d-yenna ass n letnin yiwen n ulɣu n uɣlif n temḥaddit taɣelnawt(MDN).
TIPAZA- Yerked waddad adawsan n 10 ilemẓiyen (yesɛan gar 23 d 30 iseggasen deg leɛmeṛ-nsen) id-yettwasselken seg yilel, ass n ljemɛa taṣebḥit, sɣur iɣallen imeḥdiyen n wafayen n Cercal, ɣef akken d-iwekked umsujji ameḥdi deg ṣbiṭaṛ n Maham n Cercal (Tawilayt n Tipaza).
Normal 0 21 false false false FR X-NONE AR-SA MicrosoftInternetExplorer4TIPAZA – Tenṭeq-d tnefrut n Cercal (deg utaram n Tipaza) s 2 n yiseggasen n tkurmut tuɣtist mgal 5 n yimdanen yettwardan s uɣellet arusḍif n teftist n Lḥemdaneyya s usseqdec n tekriḍt, yernu d ta ay d tamsalt tamezwarut ay yettwazerfen seg tewsit-a deg tsemhuyt n yimuras n unebdu n 2018, ɣef wakken ay d-tenna temsetla taɣelnawt n twilayt-a ass n usinas (ttlata).
TIBESKERT – Yewweḍ leɛfu n Yuc umjahed Mohamed Larbi Guehmaz ass n usinas (letniyen) deg Ṭulga (Tibeskert) ɣer 78 n yiseggasen deffir ma yeɣli-d fell-as ufcal ɣef yiwet n teswiɛt, ɣef wakken ay aɣ-d-tenna twacult-nnes.
SSƐIDA – Tarmit n tnigert tamezwarut n usnegmu n yiri akraran azewwaɣ n “dderɣma”, deg twilayt n Ssɛida d tin ay d-yeglan s yigmaḍ isebɣasen, ɣef wakken ay d-nnan yimazzagen d yimasayen n ugzum-a.
TIZI UZZU – Tamesrit Taɣelnawt n Ufexxar n Yiɣrem n Ayt Xir (Tizi Uzzu) d asihaṛ i usskan n ufaris n tɣara, ɣef wakken ay d-nnan yimsuddsen d yimttekkiyen n tedyant-a ay ireẓmen ass n usidyas (ssebt) deg teẓrigt-nnes tis 3.
ILIZI – 3 n yiɣerman n tɛeqqact n Tasili n Ajjer, Ǧanet, ay yettwaṣennfen, deg tgara n yimalas yezrin, deg ugzum yettwaḥerzen n tgemmi taɣelnawt, ɣef wakken ay d-yenna, ass n usamas (lḥed), Udiwan Aɣelnaw n Ufrag Adelsan n Tasili.
ILLIZI – Bdan acḥal n yisenfaren n teẓwert ttwaɣellaten deg temdint n Ǧanet (420 n yikilumitren deg unẓul n Illizi), ɣef wakken ay aɣ-d-nnan, ass n ukwas (lexmis), yimasayen n Teṛmist n Ussedger n Tetrist d Wurrig (Sonelgaz), ay d-yernan dakken isenfaren-a d wid ara yesselhun assedger n tetrist deg yigmamen yemgerraden n temdint-a.