Menu principal

Menu principal

TUBIRET – Yiwet n teṛmist n tkerrazt n Yimceddalen (agemmuḍ n Tubiret) yessiǧew ɣer Yurub tinectiwin timezwura n zzit n uzemmur n useggas-a n 2020, seg zrin mennaw n wayyuren n ukman i yes-s d-yegla waṭan n Unfafad Bu Tesmert Covid-19, i d-yenna i Tnegga n Yisalan n Lezzayer uselway n tiddukla n tkerrazt n tzemmurt n ugezdu n Tubiret, Arezki Toudert.
LEZZAYER TAMANEƔT – Ad yeɣli ugeffur tikwal s uzayeḍ deg yellan deg Tlemmast akked Ugemmuḍ n tmurt deg usamas-a (lḥedd), i d-yenna Usira aɣelnaw n tesnignawt deg yiwen n uɣmis uzzig asnignawan (BMS). Yers deg uswir n uḥader Ačini, terza temsal igezda n Bumerdas, Tizi Uzzu, Bgayet, Ǧiǧel, Skikda, Ɛennaba akked Ugafa b Sṭif, ideg tanecta n waman ara d-yeɣlin ad yaweḍ ɣur gar 20 akked 30mm, aya seg usrag wis 10h00 ar wis 16h00, i d-yesseddi uɣmis uzzig.
TIPAZA – Aneɣlaf n Tnezduɣt akked Temdint, Kamel Nasri, yesselwi, ass n usinas (ttlata) deg Tipaza, yiwet n tfugla n tikci n yiɣtasen n 1.600 n tnezduɣin AADL i d-yettwaseḍran deg umenḍar "ayiwnan".
TIZI-WEZZU - Ansayen n zik yerzan "Tajmaɛt" mazal-iten d imuddiren di taddart n Tiɣilt n Maḥmud almend n tigawin n twizi d-yeqqimen si zik n zik am tgejda di tmetti ɣef bedden yiɣallen imɛawnen.
WAD SUF – Iga yiwen n umassan azzayri deg tkerrazt yiwet n tezrawt ideg d-yeɣra i wakken ad yili usekcem n wuẓu n tbitṛbt n ssker deg tkerrazt tasetratijant deg temnaḍin n Unẓul, s yisem-is d tibḍi n useɣnew n ubaɣur yellan beṛṛa n yiserɣan.
LEZZAYER TAMANEƔT – Ad d-wten yigusifen d waggiyen, ass n usamas, deg mennaw n twilayin n ugmuḍ n tmurt, ɣef wakken ay d-yenna yiwen n uṛabul asnigenwan uzzig n Usira Aɣelnaw n Tesnignewt.
LEZZAYER TAMANAΓT- Agraw n Sonatrach yenna-d, ass n ssebt deg yiwen n wulɣu, d akken llant aṭaṣ n tmuɣliwin d laṛyuy yettwaddmen almend useggem uxettaṛ d-yeglan s usquddeṛ n upiṭṛul d-yeḍṛan deg wass n laxmis deffir n tegnawt d-yewwin igefran, ɣef uqadus upiṭṛul OK1 di El Oued.
MILA – Azal n 100 teyunin n tnezduɣin tinagdudin n kerru (LPL) akked tallalt n yidrimen i yettwanmeqqen i twaculin iḥuzan sin yezlazen n wakal, i yewten ass n usimwas-a (lǧemɛa) aneggaru deg ugezdu n Mila, i d-nnan ass n uynas (letniyen) yimeẓla n ugezdu.
LEZZAYER TAMANEƔT – Ugar n 32 n yiṭunen n tursaḍ yemgarden i d-yettwaleqḍen deg teẓgi n Baynam (ataram n ugezdu n Lezzayer), seg-mi yebda ukman adawsan i d-yettwaḥetmen deg ukatar n umennuɣ mgal n Unfafad Bu Tesmert, i d-nnan deg Tmehla n tẓegwa akked tbagust tazegzawt n ugezdu n Lezzayer.
LEZZAYER TAMANEƔT – Aneɣlaf n Ugensu, n tenbazin tidiganin icar-d, ass n usamas (lḥedd) deg yiwen n ulɣu, abeddel n yisragen ukman uzgin deg tnezduɣin deg kraḍ (03) n tɣiwanin n ugezdu n Tmenɣast, seg usrag wis 17h00 ar azekka-nni ɣef usrag wis 05h00, aya akk, deg yiwet n tenzagt ara yeqqimen 15 n wussan, seg uzekka n uynas (letniyen).