Menu principal

Menu principal

EUCOCO d Tuddsa n Yiɣerfan Afrusyawiyen ad d-ciren tasentayt tamaynut ɣef Tniri Tutrimt

Yeffeɣ-d ass n : Letniyen, 19 Tubeṛ 2020 13:54   Ɣran-t : 0 n tikkal
EUCOCO d Tuddsa n Yiɣerfan Afrusyawiyen ad d-ciren tasentayt tamaynut ɣef Tniri Tutrimt

BRUXELLES – Asarag n Udhal d Temsetlelt d Umennuɣ n Tniri Tutrimt (EUCOCO) d Tuddsa n Temsetlelt d Yiɣerfan Afrusyawiyen (AAPSO) ssefrayen ad d-bdun tasentayt tamaynut i lmend n Tniri Tutrimt. Tasenftayt-a ad tili d tasguri umi semman « Adhal n uzref agraɣlan, izerfan n umdan d uzref n uguccelman i uɣref n Tniri Tutrimt, tahrest taneggarut n Tefriqt ».

Asarag n Udhal d Temsetlelt d Umennuɣ n Tniri Tutrimt, Tuddsa n Temsetlelt d Yiɣerfan Afrusyawiyen d yiwet n tegrawt n yisdawanen nnan-d ssaramen tasguri-a ad tt-dehlen yisdawanen seg wakk timura n umaḍal.

« Nebɣa, tikkelt-a, ad neslummes ɣef tesdawit imi s waya ara d-nessaki tamsetlelt d uɣref awniri » yernu aya d « abrid i usefrey n tannayt tanagdudt d ujbad n udhal », ɣef wakken ay d-wekkden Usarag n Udhal d Temsetlelt d Umennuɣ d Tniri Tutrimt d Tuddsa n Temsetlelt d Yiɣerfan Afrusyawiyen deg tesguri-nsen.

Iswi niḍen n tsentayt-a d tukci n wazal i umulli wis 10 n Gdeyyem Izik akken ad yili d tadyant taxatart i ukcaf n tegnit n tmeddurt n uɣref awniri d usejhed n temsetlelt yid-s, ɣef wakken ay d-tenna tesguri-a.

Tasentayt-a tekkat daɣ akken ad d-tessegrew isdawanen seg umḍan ameqqran akk n tmura akken ad dehlen aɣref awniri deg usuter-nnes i uzref n uguccelman, ɣef wakken ay d-nnant snat-a n tegrawin n temsetlelt.

Last modified on Lḥedd, 08 Wamber 2020 09:51
EUCOCO d Tuddsa n Yiɣerfan Afrusyawiyen ad d-ciren tasentayt tamaynut ɣef Tniri Tutrimt
  Yeffeɣ-d ass n : Letniyen, 19 Tubeṛ 2020 13:54     Taggayt : AMAḌAL     Ɣran-t : 0 n tikkal   Bḍu