Menu principal

Menu principal

Amlu n Guterres ɣef Tniri Tutrimt ur yeddi ara d ṛṛuḥ n Yiɣlanen Yeddukklen d Tdukli Tafriqit

Yeffeɣ-d ass n : Lḥedd, 18 Tubeṛ 2020 13:06   Ɣran-t : 4 n tikkal
Amlu n Guterres ɣef Tniri Tutrimt ur yeddi ara d ṛṛuḥ n Yiɣlanen Yeddukklen d Tdukli Tafriqit

LEZZAYER TAMANEƔT – Amlu aneggaru n uwnetlay amatu n Tuddsa n Yiɣlanen Yeddukklen, Antonio Guterres, ɣef Tniri Tutrimt, ur yeddi ara d ṛṛuḥ ucrik n uferru n tezɣent-a ay ḍefrent Tuddsa n Yiɣlanen Yeddukklen d Tdukli Tafriqit, yernu amlu-a d win yesḍelmen ama d taɣtest, ama d win yetɛeddan fell-as, ɣef wakken ay d-yenna, ass n usiḍyas, ugensas n Tniri Tutrimt ɣer Tuddsa n Yiɣlanen Yeddukklen, Sidi Mohamed Omar.

Amlu aneggaru ay d-iheyya Antonio Guterres ɣef tegnit deg Tniri Tutrimt « maci d amlu ummid deg uglam ay d-yeglem tagnit » yernu d win ara yeǧǧen Aseqqamu n Tɣellist ad yeswingem dakken tagnit attan d tarusant yernu krayellan atan yelha deg temnaḍt-a, yili tagnit attan trekkem, ladɣa deg Lgergarat, yernu iduba imeṛṛukiyen mazal ttkemmilen arkaḍ-nsen n yizerfan n umdan deg yigelluyen yettwawedgen », ɣef wakken ay d-yenna Mass Mohamed Omar deg yiwet n tesguri i Tnegga n Yisalan n Lezzayer.

Ixebber-d dakken Tagduda Taɛṛabt Tawnirit Tamegdayt tessenfali-d tagayt-nnes i waya s ubrid n uselway-nnes d uwnetlay amatu n Terni n Polisario, Ibrahim Ghali, deg yiwet n tebṛat ay tuzen i uwnetlay amatu n Tuddsa n Yiɣlanen Yeddukklen d uselway n Useqqamu n Tɣellist, ass n 6 Tubeṛ.

Ɣef leḥsab n yidis awniri, amlu-a, mer dani, ad yili d amesɣaru yernu ad d-yessken tilawt deg temnaḍt-a maca netta yessers taɣtest d win irekḍen izerfan deg yiwen n udeg, ɣef wakken ay d-yenna Mass Mohamed Omar.

D acu kan, tagnit deg temnaḍt-a mazal tebɛed akken ad tili akken iwata imi awdag ameṛṛuki mazal iɣeḍḍel-d aramaɣ ɣef Yiwniriyen deg temnaḍin yettwawedgen yernu yettkemmil arkaḍ anagrawan n usebded n yimenɣi deg Lgergarat sdat tiṭṭawin n Tuɣdaḍt n Yiɣlanen Yeddukklen d-Yelhan s Usuddes n Tsefrant deg Tniri Tutrimt, ɣef wakken ay d-iwekked ugensas n Terni n Polisario deg Tuddsa n Yiɣlanen Yeddukklen.

 

Last modified on Letniyen, 19 Tubeṛ 2020 13:56
Amlu n Guterres ɣef Tniri Tutrimt ur yeddi ara d ṛṛuḥ n Yiɣlanen Yeddukklen d Tdukli Tafriqit
  Yeffeɣ-d ass n : Lḥedd, 18 Tubeṛ 2020 13:06     Taggayt : AMAḌAL     Ɣran-t : 4 n tikkal   Bḍu