Menu principal

Menu principal

S tdukli taɣelnawt, aɣref awniri ifuk tallit n ubeḍḍu

Yeffeɣ-d ass n : Laṛebɛa, 14 Tubeṛ 2020 09:38   Ɣran-t : 7 n tikkal
S tdukli taɣelnawt, aɣref awniri ifuk tallit n ubeḍḍu

BIR LEḤLU (Igelluyen iwniriyen yettwaslellin) – Iwekked-d uselway n Useqqamu n Uciweṛ Awniri, Ould SOuilem Meghifri, ass n uynas tameddit, deg temnaḍt n Bir Leḥlu, dakken « s tseɣrut n tdukli taɣelnawt n 12 Tubeṛ 1975, aɣref awniri ifuk tallit n ubeḍḍu ».

« Ass n 12 Tubeṛ 1975 d win ay d azemz aydeg aɣref yesdukkel tamagit-nnes, tamuɣli d yiswi-nnes ayiwnan yernu yemḍel, i lebda, tallit n ubeḍḍu d umfuzreɛ n uɣref awniri », ɣef wakken d-yenna Mass Meghifri i Tnegga n Yisalan n Lezzayer deg yijifeṛ n usfugel n umulli wis 45 n tdukli taɣelnawt tawnirit, am wakken ay d-yerna s yisem n Terni n Polisario: « Ttif nemmet neddukkel wala ad nedder nebḍa ».

« Aɣref awniri yesfugul, ass-a (ass n uynas) amulli n tdukli taɣelnawt deg yiwen n wattal yemgerraden s waṭas ɣef wass aydeg d-tella tseɣrut-nni », ɣef wakken ay d-iwekked, am wakken ay d-yerna dakken aɣref awniri yesṛuḥ aṭas n yimeɣrusen yeɣlin deg yiger n yiseɣ i lmend n usebded n temsertit n uɣref awniri, am wakken ay yegguccel uɣref awniri akken ad yebnu tadukli taɣelnawt ara t-id-yesgerwen akken ma yella ».

Aɣref awniri yesfugel, ass n uynas, amulli n tdukli deffir 45 n yiseggasen n yiksaben d trennawin deg yiswiren yemgerraden, yernu yegguccel akken ad ikemmel amennuɣ-nnes i usuɣal n tnaya n tmurt-nnes arma d tagara ddaw Terni n Polisario yellan d tagensast-nnes tayiwnant tuzrigt yernu d amaway n tekbabt-nnes n umennuɣn uzrif mgal uwdag ameṛṛuki.

 

Last modified on Ljemɛa, 16 Tubeṛ 2020 12:26
S tdukli taɣelnawt, aɣref awniri ifuk tallit n ubeḍḍu
  Yeffeɣ-d ass n : Laṛebɛa, 14 Tubeṛ 2020 09:38     Taggayt : AMAḌAL     Ɣran-t : 7 n tikkal   Bḍu