Menu principal

Menu principal

Tirni n Polisario tugi ayen ay d-tenna Meṛṛuk deg wayen yerzan aẓayer azerfan n Tniri Tutrimt

Yeffeɣ-d ass n : Ttlata, 13 Tubeṛ 2020 12:57   Ɣran-t : 3 n tikkal
Tirni n Polisario tugi ayen ay d-tenna Meṛṛuk deg wayen yerzan aẓayer azerfan n Tniri Tutrimt

NEW YORK (Tuddsa n Yiɣlanen Yeddukklen)- Tugi Terni n Polisario, ass n uynas, ayen ay d-yenna ugensas ameṛṛuki deg Tuddsa n Yiɣlanen Yeddukklen deg wayen yerzan aẓayer azerfan n Tniri Tutrimt yernu tules twekked-d dakken akaram-a, ulac deg-s ccek, d tamsalt n tukksa n usehres ay werɛad ifuken deg ukatar n tneɣtusin n Tuddsa n Yiɣlanen Yeddukklen yernu kra seg tneɣtusin-a dehlen-tent ula d imasayen imeṛṛukiyen uqbel ma tenbeẓ Meṛṛuk agelluy n Tniri Tutrimt deg 1975.

Deg yiwen n ulɣu ay d-yessuffeɣ, ass n uynas, ugensas n Terni n Polisario ɣer Yiɣlanen Yeddukklen, Sidi Omar yenna-d dakken « Tinir Tutrimt d tamsalt n tukksa n usehres yernu aya ur yelli deg-s ccek, ur yezmir ad yettwankeṛ ».

« Llan aṭas n yifakulen izerfanen d yimezruyanen i tririt ɣef wayen ay d-yenna unewdag ameṛṛuki, yernu llant ula d tisguriwin tunṣibin n yigensasen n Meṛṛuk deg Tuddsan n Yiɣlanen Yeddukklen ay idehlen aya uqbel ma tenbeẓ teḍni tahersant s yimek aredsan d urusḍif Tiniri Tutrimt ass n 31 Tubeṛ 1975 », ɣef wakken ay d-iwekked.

Adiplumati-a awniri yesmekti-as-d i ugensas-a n Meṛṛuk dakken yiwen seg wid ay t-yezwaren yenna-d s yimek unṣib, sdat Tseqqimt Tuzzigt n Tuddsa n Yiɣlanen Yeddukklen i Tukksa n Usehres, deg temlilit-nnes n Addis Abeba ass n 7 Yunyu 1966, dakken « yedhel tukci n uzarug i Tniri tahersant », am wakken ay d-iḥettet dakken « azarug n ugelluy-a ur yessefk ara ad yili d azarug kan n sufella, wanag d azarug n tidet, d win ara yeǧǧen imezdaɣen n ugelluy-a ad amden nitni s timmad-nsen timasiyin n unabaḍ war ma tella kra n tihawt tahersant ».

Mass Sidi yesmekti-d daɣ dakken awnetlay amatu n Yiɣlanen Yeddukklen iwekked-d, deg umlu-nnes aneggaru ɣef Tniri Tutrimt ay d-yeffɣen ass n 29 Ctembeṛ 2020 yernu yettunefk i tedwilt n Ugraw Amatu n Yiɣlanen Yeddukklen, dakken Taseqqimt n Temsal Tisertanin Tuzzigin d Tukksa n Usehres (Taseqqimt tis Kuẓet) n Ugraw Amatu d tseqqimt tuzzigt d-yelhan s Uzraw n usnas n Tesguri n Tukci n Uzarug i Tmura d Yiɣerfan Ihersanen ttwalint dakken Tiniri Tutrimt d « agelluy ur yesɛin tafulmant yernu d tamsalt n tukksa n usehres ».

 

Last modified on Laṛebɛa, 14 Tubeṛ 2020 09:52
Tirni n Polisario tugi ayen ay d-tenna Meṛṛuk deg wayen yerzan aẓayer azerfan n Tniri Tutrimt
  Yeffeɣ-d ass n : Ttlata, 13 Tubeṛ 2020 12:57     Taggayt : AMAḌAL     Ɣran-t : 3 n tikkal   Bḍu