Print this page

Inaw n Meṛṛuk yezmer ad yerr tamnaḍt ɣer « texxamt n tgellawt »

Yeffeɣ-d ass n : Letniyen, 12 Tubeṛ 2020 09:13   Ɣran-t : 0 n tikkal
  • Bḍu
Inaw n Meṛṛuk yezmer ad yerr tamnaḍt ɣer « texxamt n tgellawt »

LEZZAYER TAMANEƔT – Iɛeyyen-d tikkelt niḍen uneɣlaf awniri n yiweẓla iwerdaniyen, Mohamed Salem Ould Salek, dakken inaw « armasay » ay d-tewwi Meṛṛuk ussan-a ɣef tegnit deg Tniri Tutrimt d win « ay izemren ad yerr tamnaḍt ɣer texxamt n tgellawt », am wakken ay d-iwekked ɣef uguccel n uɣref awniri akken ad ikemmel amennuɣ-nnes uzrif i uzarug s wakk ammaken, ula s wammak aredsan.

« Meṛṛuk d wid yellan deffir-s rekḍen izerfan n uɣref awniri d tẓidirt-nnes. Taẓidirt-a tewweḍ ɣer tlisa-nnes », ɣef wakken ay d-yenna Mass Ould Salek deg yiwet n tdiwennit d uyalas n El Watan ay d-yeffɣen ass n usamas.

« Neggar-d tiɣri i Meṛṛuk akken ad teg talwit, maca nesḥissif imi ay d-tewwi inaw yessewhamen s termasit-nnes », ɣef wakken ay d-yenna umasay-a ay d-icaɣlin ɣef yinaw-a « ay izemren ad yerr tamnaḍt ɣer texxamt n tgellawt, anamek-nnes, ɣer umgaru ».

Yerna-d dakken « aɣref awniri yesɛa azref ad yemzeɣ iman-nnes, yernu azref i umzaɣ uzrif yettwakez dɣa ɣef waya ay nnebgsen Yiwniriyen ass-a akken ad sensen iɣtasen n Usmanay Wis 15 (n Terni n Polisario) i lmend n usezrek n uzref n, uɣref awniri s wakk ammaken, ula s wammak aredsan.

Yesḥassef Ould Salek ɣef ujbad ay yejbed iman-nnes Useqqamu n Tɣellist n Tuddsa n Yiɣlanen Yeddukklen seg temsalt n yirkaḍen ay tezga trekkeḍ Meṛṛuk tissuḍeft tagraɣlant yernu iwekked-d dakken Tuddsa n Yiɣlanen Yeddukklen d Useqqamu n Tɣellist « yessefk ad ddmen timasiyin-nsen yernu ad faken tihawt tameṛṛukit deg tehrest taneggarut akk deg Tefriqt ».

 

Inaw n Meṛṛuk yezmer ad yerr tamnaḍt ɣer « texxamt n tgellawt »
  Yeffeɣ-d ass n : Letniyen, 12 Tubeṛ 2020 09:13     Taggayt : AMAḌAL     Ɣran-t : 0 n tikkal   Bḍu