Menu principal

Menu principal

Mali: Yemlal uselway n tukkit d unebdammas n Umɣiwan n Yiwanaken n Tefriqt n Utaram

Yeffeɣ-d ass n : Ljemɛa, 25 Ctembeṛ 2020 09:57   Ɣran-t : 17 n tikkal
Mali: Yemlal uselway n tukkit d unebdammas n Umɣiwan n Yiwanaken n Tefriqt n Utaram

BAMAKO – Yemlal uselway amaynu n tukkit deg Mali, Bah Ndaw, ass n ukwas, d unebdammas n Umɣiwan n Yiwanaken n Tefriqt n Utaram, ɣef wakken ay d-nnan yimidyaten idiganen. D tin daɣ ay d tuffɣa tanagdudt tamezwarut n uselway-a seg wasmi ay d-yettwassummed.

Amyager-a gar Ndaw d Goodluck Jonathan, yella-d s tihawt n tmagla n Umɣiwan n Yiwanaken n Tefriqt n Utraram d uselway n Tseqqimt Taɣelnawt i Usukkes n Uɣref, Aknaner Assimi Goita, yernu yella-d waya kra n wussan uqbel ma yeggul Mass Ndaw.

Tagallit-a d nettat ara d-yilin d abeddu unṣib n tallit n tukkit aydeg ara d-swejden tifranin timura d tuqqla n yiɣarimen ɣer udabu n tmurt.

Amɣiwan n Yiwanaken n Tefriqt n Utaram iḥettem-d iweddiben ɣef Mali sin kan n wussan deffir ma gan yiredsanen imaliyen, ass n 18 Ɣuct, tuttya mgal uselway aqbur Ibrahim Boubakar Keita yernu ḥettmen-t ad yettixer.

Taseqqimt Taɣelnawt n Usukkes n Uɣref d tagrawt ay d-gan yiredsanen iɣewwaɣen ay yekksen aselway Keita. D nettat ay d-yessummden Bah Ndaw d aselway n tukkit, am wakken ay d-tessummed aselway n tseqqimt, Aknaner Goita, d anmazul n uselway.

 

 

Last modified on Letniyen, 28 Ctembeṛ 2020 09:40
Mali: Yemlal uselway n tukkit d unebdammas n Umɣiwan n Yiwanaken n Tefriqt n Utaram
  Yeffeɣ-d ass n : Ljemɛa, 25 Ctembeṛ 2020 09:57     Taggayt : AMAḌAL     Ɣran-t : 17 n tikkal   Bḍu