Menu principal

Menu principal

« Tamsisit tagraɣlant » i usuter n tsefrant deg Tniri Tutrimt

Yeffeɣ-d ass n : Laṛebɛa, 23 Ctembeṛ 2020 11:16   Ɣran-t : 45 n tikkal
« Tamsisit tagraɣlant » i usuter n tsefrant deg Tniri Tutrimt

GENEVE – Iger-d tiɣri ugensas imezgi n Tiddukla Tamarikanit n Yimazzayen Usḍifen ɣer Tuddsa n Yiɣlanen Yeddukklen deg Geneve, Gianfranco Fattorini, ass n usinas, i usileɣ n temsirit tagraɣlant d tawesɛant i usnas n uzref n uɣref awniri i uguccelman, am wakken ay d-yenna dakken yezmer ad yeccetki Useqqamu n Tɣellist i Tsenbert Tagraɣlant n Uweddeb akken ad ttwazerken yizerfan n umdan deg Tniri Tutrimt.

« Akken ad ttwazerken yimenzayen n usaḍuf agraɣlan deg Tniri Tutrimt, yessefk ad d-tettwassileɣ temsisit tagraɣlant d tawesɛant ara yessutren azrak n uzref n uguccelman d uzarug n uɣref awniri s usnas n tneɣtust 1514 war tiwtilin », ɣef wakken ay d-yenna Mass Fattorini deg yiwet n tdiwennit d Tnegga n Yisalan n Lezzayer.

Yerna-d dakken aya yeḥwaj amahil adiplumati. « Yessefk ad ssuddsent kra n tmura asarag agraɣlan i usuter n usuddes n tsefrant », ɣef wakken ay d-yenna, acku, taswiɛt-a, « d awezɣi ad yettwargel ubrid i wid yessefsaden tamsalt deg Useqqamu n Tɣellist n Tuddsa n Yiɣlanen Yeddukklen », ɣef wakken ay d-yenna, am wakken ay d-yerna dakken Meṛṛuk tettmahal seg zik akken ad d-tesseknu asaḍuf agraɣlan i lmend n tsertit-nnes n usemɣer n wakal.

Seg wasmi ay tudef « s tin n udɣal » ɣer Tdukli Tafriqit deg 2017, Meṛṛuk turem, ladɣa deg Tseqqimt Tuzzigt n Tukksa n Usehres n Tuddsa n Yiɣlanen Yeddukklen, akken ad tekkes Tiniri Tutrimt seg wumuɣ n yigelluyen ur yesɛin tafulmant yernu ur tewwiḍ ara Meṛṛuk ad teg aya armi ay tesɛa adhal sɣur teḍniwin timeqqranin.

 

Last modified on Ljemɛa, 25 Ctembeṛ 2020 09:59
« Tamsisit tagraɣlant » i usuter n tsefrant deg Tniri Tutrimt
  Yeffeɣ-d ass n : Laṛebɛa, 23 Ctembeṛ 2020 11:16     Taggayt : AMAḌAL     Ɣran-t : 45 n tikkal   Bḍu