Menu principal

Menu principal

Tazɣent deg Mali: Abeddu n umciweṛ i lmend n tukkit

Yeffeɣ-d ass n : Lḥedd, 06 Ctembeṛ 2020 12:53   Ɣran-t : 157 n tikkal
Tazɣent deg Mali: Abeddu n umciweṛ i lmend n tukkit

BAMAKO – Yebda, ass n usiḍyas deg Bamako, umciweṛ ay tessuddes Tseqqimt Taɣelnawt i Usukkes n Uɣref d yikabaren d tmetti taɣarimt i lmend n uheyyi n tsegda d yigmanen ara iḍemnen tukkit tasertant deg Mali.

Amyager-a yebda-d deg wammas agraɣlan n yisaragen n Bamako yernu iɛeḍḍel ugar n usrag akken ad yebdu imi ay ssefran ad d-yili waya ɣef tis 11:00 n tnezzayt (akud adigan d wakud n Greenwich). Iɣab daɣ uɣella n Tseqqimt Taɣelnawt i Usukkes n Uɣref, Aknaner Assimi Goita, deg umyager-a.

« Amciweṛ ad d-yili ddaw tselwit n Uknaner Goita, maca war ma yeḥdeṛ », ɣef wakken ay d-yenna yiwen n uɣbalu yudsen ɣer tseqqimt-a.

« Seg wass n 18 Ɣuct ay nebda amezruy d amaynu deg tmurt-nneɣ. Wa d asurif axatar ay yesrin aswingem d alqayan d udraw n wakk yessi-s d warraw n uɣlan », ɣef wakken ay d-yenna Malick Diaw, uṭṭun wis sin n Tseqqimt Taɣelnawt i Usukkes n Uɣref, mi yebda umyager-a.

Ugar n 1000 n yimedrawen ara yemlilen deg semmuset n tegrawin yemgerraden i lmend n umciweṛ ɣef tukkit. Deg umyager-a, tewɛed Tseqqimt Taɣelnawt i Usukkes n Uɣref ad terr adabu i yiɣarimen deffir ma tfuk tallit n tukkit, d acu kan, ur d-yettwabder ara wanect ara teqqim tallit-a.

 

 

Last modified on Lḥedd, 20 Ctembeṛ 2020 09:20
Tazɣent deg Mali: Abeddu n umciweṛ i lmend n tukkit
  Yeffeɣ-d ass n : Lḥedd, 06 Ctembeṛ 2020 12:53     Taggayt : AMAḌAL     Ɣran-t : 157 n tikkal   Bḍu