Menu principal

Menu principal

Boukadoum icaɣli-d ɣef timmaglit n tegnit deg Libya

Yeffeɣ-d ass n : Lexmis, 09 Yulyu 2020 13:44   Ɣran-t : 1 n tikkal
Boukadoum icaɣli-d ɣef timmaglit n tegnit deg Libya

LEZZAYER TAMANEƔT – Icaɣli-d uneɣlaf azzayri n yiweẓla iwerdaniyen, Sabri Boukadoum, ass n ukras, ɣef « timmaglit n uxṣar n tegnit deg Libya d wayen ayyes yezmer ad d-yeglu waya ɣef tɣellist n temnaḍt », ɣef wakken ay d-yenna yiwen n ulɣu n uɣlif n yiweẓla n uzɣar.

Deg wawal-nnes deg usarag s teẓrit ay iga Useqqamu n Tɣellist deg New York ɣef tezɣent talibit, d tin aydeg ttekkan yidisan ay yettekkan deg Usarag n Berlin ɣef Libya deg Yennayer n 2020, iger-d tiɣri Mass Boukadoum i wakk idisan imnaḍanen d yigraɣlanen ay terza temsalt talibit akken ad ssuggten ussisen akken ad frun tazɣent-a s tifrat ara iḍemnen tadukli, tanaya d tummda tagelluyant n Libya », ɣef wakken ay d-yenna uɣbalu-a.

I lmend n waya, iwekked-d uneɣlaf dakken « tudsa n Lezzayer, ay qeblen akk yidisan ilibiyen, d tin yebnan ɣef usebded n tazzla n yidammen d teɣri i waytmaten ilibiyen akken ad ḍefren abrid n udiwenni ara yilin d abrid ayiwnan i usiweḍ ɣer tifrat tasertant i tezɣent-a s uqader n tissuḍeft tagraɣlant d tegrayin n Usarag n Berlin d uqader ummid n tiɣest tanayant n uɣref alibi ».

Mass Boukadoum yettekka deg temlilit-a s uneɛruḍ n uneɣlaf almani n yiweẓla iwerdaniyen Heiko Mass, ɣef wakken ay d-yerna uɣbalu-a.

 

 

Last modified on Lḥedd, 12 Yulyu 2020 16:17
Boukadoum icaɣli-d ɣef timmaglit n tegnit deg Libya
  Yeffeɣ-d ass n : Lexmis, 09 Yulyu 2020 13:44     Taggayt : AMAḌAL     Ɣran-t : 1 n tikkal   Bḍu