Menu principal

Menu principal

Uggug n Tleslalit: Ityupya ad teččaṛ imeccir n wuggug « ula ma ur d-yelli ara umtawa »

Yeffeɣ-d ass n : Ttlata, 07 Yulyu 2020 17:55   Ɣran-t : 0 n tikkal
Uggug n Tleslalit: Ityupya ad teččaṛ imeccir n wuggug « ula ma ur d-yelli ara umtawa »

LEZZAYER TAMANEƔT – Yenna-d unabaḍ n Ityupya dakken yessefray ad yeččaṛ imeccir n Wuggug n Tleslalit ula ma ur yessaweḍ ara ɣer umtawa gar-as d Ssudan d Maṣer.

Yella-d ustag, ass n usamas, deg temliliyin tisindisanin gar kraḍt-a n tmura (Maṣer, Ssudan d Ityupya) akken ad nadint ad frunt tinqiḍin ayɣef ur msegzant ara deg wayen yerzan uggug-a.

Idis amaṣri ay yeddan ddaw tselwit n Mohamed Abdel-Ati (aneɣlaf amaṣri n ussway), yenna-d, deg yiwen n ulɣu, dakken yefka-d kra n yisumren « yeddan d tegna yettwakzen seg yidis agraɣlan yernu d wid ara yeǧǧen Ityupya ad taweḍ ɣer yiswiyen-nnes deg wayen yerzan afares n tetrist war ma tḍurr Maṣer d Ssudan ».

Yenna-d, daɣ, deg temsalt-a dakken istagen gar Maṣer d Ityupya kecfen-d imgerraden deg tmuɣli, am wakken ay d-yerna dakken Maṣer ur tebdid ara deg ubrid n yisenfaren n unegmu n Ityupya, maca tettwali dakken tamsalt n wuggug-a d ayen ay izemren ad yerr Maṣer deg umihi.

Iwekked-d daɣ dakken Maṣer tessaram ad tessiweḍ ɣer umtawa d « uɣdim yernu d amneknay ara d-yegren deg leḥsab nnfeɛ n kraḍt-a n tmura yernu d win ara tent-yeǧǧen ad sjehdent anmireg-nsent amnaḍan s uqader n tegna yettwakzen deg umaḍal ».

 

Last modified on Laṛebɛa, 08 Yulyu 2020 13:48
Uggug n Tleslalit: Ityupya ad teččaṛ imeccir n wuggug « ula ma ur d-yelli ara umtawa »
  Yeffeɣ-d ass n : Ttlata, 07 Yulyu 2020 17:55     Taggayt : AMAḌAL     Ɣran-t : 0 n tikkal   Bḍu