Menu principal

Menu principal

Meṛṛuk: Ameɣnas Omar Radi yesḥassef ɣef tḥemla n « usimes » ay d-yellan mgal-nnes

Yeffeɣ-d ass n : Letniyen, 06 Yulyu 2020 12:21   Ɣran-t : 2 n tikkal
Meṛṛuk: Ameɣnas Omar Radi yesḥassef ɣef tḥemla n « usimes » ay d-yellan mgal-nnes

RRBAṬ - Yessummel-d uneɣmas d umeɣnas ameṛṛuki Omar Radi, ass n usiḍyas, taḥemla n « usimes » ay d-yellan mgal-nnesn deffir ma yettwakcef-d dakken iduba n tmurt-nnes sseqdacen yiwen n useɣẓan isṛayili akken ad t-smayden. Taḥemla-a d tin aydeg ay t-yerda unabaḍ umeṛṛuki s umahil d umeẓlu n wumel awerdani.

Deg yiwen n ulɣu ay d-yesnuged, yenna-d uneɣmas-a dakken yewhem s wayen ayyes yettwarda.

Ass n ukwas, iwekked-d unabaḍ ameṛṛuki dakken Omar Radi tella-d fell-as tsestant taɣedmant (war ma isemma-t-id) yernu yettwarda s « taswaɣt n tɣellist n uwanak ɣef lǧal n wassaɣen-nnes d yiwen n ufesyan n tuɣunt n tmurt tawerdanit ».

Kra n yisragen deffir waya, neɣlent-d terdayin mgal uneɣmas-a sɣur yimidyaten iqerben ɣer unabaḍ ameṛṛuki, yernu iswi-nsent d acemmet-nnes. Tamsalt-a tebda-d akk ɣef lǧal n ukcaf ay d-tekcef Amnesty International, ass n 22 Yunyu, dakken anabaḍ ameṛṛuki yella yesmayad asawal n Mass Radi.

Yiwen seg yimidyaten imeṛṛukiyen yenna-d dakken Mass Radi yesɛa assaɣ d yiwen n ufesyan abriṭani n wumel.

« Acḥal n yimalasen aya seg wasmi ay d-tebda tḥemla n ucemmet mgal-inu deg mennaw n yimidyaten iliktṛunanen. Deg Dujembeṛ yezrin, ttwabẓeɣ ɣef lǧal n yiwen n yizen n Twitter. Imir-a, aql-iyi ufiɣ-d iman-inu ttwardaɣ s terdayin d tizulalin. Arma d anda ara yaweḍ ucḥan-a », ɣef wakken ay d-yenna umeɣnas-a ay d-izeɣnen tacrawt n yizerfan n umdan deg Meṛṛuk.

Yerna-d dakken, deg ukatar n tsestant ay tetteg Tlubayt n Temsulta Taɣedmant n Meṛṛuk), bbken-t snat n tikkal: tamezwarut, ass n 25 Yunyu, ma d tis snat, ass n 2 Yulyu 2020, yernu i snat n tikkal, werǧin t-ttiren ɣef kra n umeggi n wumel.

 

 

Meṛṛuk: Ameɣnas Omar Radi yesḥassef ɣef tḥemla n « usimes » ay d-yellan mgal-nnes
  Yeffeɣ-d ass n : Letniyen, 06 Yulyu 2020 12:21     Taggayt : AMAḌAL     Ɣran-t : 2 n tikkal   Bḍu