Menu principal

Menu principal

Asebded anmaḍal n yimenɣi: amaru amatu n Yiɣlanen Yeddukklen yesḥassef imi ur yettwaqader ara

Yeffeɣ-d ass n : Lexmis, 28 Mayu 2020 11:54   Ɣran-t : 219 n tikkal
Asebded anmaḍal n yimenɣi: amaru amatu n Yiɣlanen Yeddukklen yesḥassef imi ur yettwaqader ara

NEW YORK – Yesḥassef umaru amatu n Tuddsa n Yiɣlanen Yeddukklen, Antonio Guterres, ass n ukras, imi ur tettwaḍfer ara teɣri-nnes n 23 Meɣres i usebded n yimenɣi deg umaḍal ɣef lǧal n unfafad bu uqacuc.

« Asebded n yimenɣi deg umaḍal yella yezmer ad d-yeg tagnit i tsedmirt yelhan mgal tkaɣreft n unfafad bu uqacuc d usiweḍ n tallalt tamdanant i yimdanen uṛhifen akk, am wakken ara yili yerẓem waya abrid i udiwenni », ɣef wakken ay d-yenna deg yiwen n usarag n teẓrit ay iga Useqqamu n Tɣellist ɣef umesten n yiɣarimen deg wasunen n umyenkaf.

« Yessebɣes-iyi udhal ay d-yellan sɣur kra. D acu kan, adhal-a ur t-id-teḍfir ara tigawt takmamt », ɣef wakken ay d-yenna.

Seg tgara n Meɣres, llant-d tesguriwin i usebded n yimenɣi deg waṭas n tmura am Filippin, Afɣanistan neɣ Kamrun. D acu kan, deg kra n tmura niḍen am Libya d Yaman, imenɣi ur yenqis ara.

« Deg kra n temnaḍin, takaɣreft terna tessebɣes idisan n yimenɣi akken ad farṣen tagnit yernu ad wten s ljehd deg wakud aydeg amaḍal yerra lwelha-nnes ɣer wayen niḍen », ɣef wakken ay d-yenna Antonio Guterres ay d-icaɣlin mgal « tmerniwt n tekriḍt ».

Deg yiwet n tdiwennit ay iga d kra n yineɣmasen, Peter Maurer, aselway n Tseqqimt Tagraɣlant n Umidag Azewwaɣ, yenna-d dakken tiɣlamin-nnes grent tamawt wwḍen-d yimrigen d ujhiden ugar tagara-a.

 

Last modified on Ssebt, 30 Mayu 2020 11:19
Asebded anmaḍal n yimenɣi: amaru amatu n Yiɣlanen Yeddukklen yesḥassef imi ur yettwaqader ara
  Yeffeɣ-d ass n : Lexmis, 28 Mayu 2020 11:54     Taggayt : AMAḌAL     Ɣran-t : 219 n tikkal   Bḍu