Menu principal

Menu principal

Anfafad bu uqacuc: Ugar n 5,5 n yimelyunen n tejṛa ay d-yettwakelsen deg umaḍal

Yeffeɣ-d ass n : Ttlata, 26 Mayu 2020 12:17   Ɣran-t : 68 n tikkal
Anfafad bu uqacuc: Ugar n 5,5 n yimelyunen n tejṛa ay d-yettwakelsen deg umaḍal

PARIS – Ugar n 5,5 n yimelyunen n tejṛa n unfafad bu uqacuc ay d-yettwakelsen s wudem unṣib deg umaḍal, yernu sin n yimuren ɣef kraḍ seg tejṛa-a ttwakelsent-d deg Tuṛuft d Yiwanaken Yeddukklen, ɣef leḥsab n wakken ay d-kecfen, ass n usinas, kra n yiɣbula d unṣiben.

Ttwakelsent-d, ma drus, 5.505.307 n tejṛa, gar-asent 346.188 n ay yemmuten, ladɣa deg Tuṛuft aydeg ddrent 2 n yimelyunen n tejṛa yernu mmuten 172.824 n yimuḍinen, d Yiwanaken Yeddukklen aydeg uḍnen 1.662.768 n yimdanen yernu mmuten 98.223.

Amḍan n tejṛa ay d-yettwakelsen deg umaḍal yerna s snat n tikkal deg wayyur yernu ugar n umelyun n tejṛa timaynutin n unfafad bu uqacuc ay d-yettwakelsen deg 11-a n wussan ineggura.

D acu kan, amḍan n tejṛa d-yettwakecfen d aḥric seg umḍan n tidet n wid yuḍnen imi, deg waṭas n tmura, ala imuḍinen yenḍerren ay d-yettwakcafen.

 

Last modified on Lexmis, 28 Mayu 2020 11:56
Anfafad bu uqacuc: Ugar n 5,5 n yimelyunen n tejṛa ay d-yettwakelsen deg umaḍal
  Yeffeɣ-d ass n : Ttlata, 26 Mayu 2020 12:17     Taggayt : AMAḌAL     Ɣran-t : 68 n tikkal   Bḍu