Menu principal

Menu principal

Tibuɣar timeqranin n Tniri Tutrimt mazal jebbdent-d ḍḍmeɛ n tmura tuṛufiyin

Yeffeɣ-d ass n : Ljemɛa, 22 Mayu 2020 13:32   Ɣran-t : 24 n tikkal
Tibuɣar timeqranin n Tniri Tutrimt mazal jebbdent-d ḍḍmeɛ n tmura tuṛufiyin

BRUXELLES – Tibuɣar tigamanin n Tniri Tutrimt mazal sseḍmaɛent timura tuṛufiyin yernu Tuṛuft ur tettqadar ara tiffrawent d usaḍuf agraɣlan deg wayen yerzan ammad n tbuɣar-a, ɣef wakken ay d-yenna udemmas abiljiji Xavier Dupret ay d-yernan dakken simal trennu Terni n Polisario tkeccef-d tasertit n yiwen n yidis ay ttḍafarent Fṛansa d Meṛṛuk deg temnaḍt-a.

Xavier Dupret d ademmas deg Tesbeddit n Jacquemotte deg temdint n Charleroi, yernu d ameɣnas anmalan. Yenna-d deg yiwet n tesleḍt ɣef tukerḍa tadamsant n Tniri Tutrimt, ay d-bedren, ass n ukras, mennaw n yimidyaten, dakken mazal yeqqim-d yiwen kan n ugelluy deg Tefriqt ay ttwalin Yiɣlanen Yeddukklen d agelluy ur yesɛin tafumant, yernu aya anamek-nnes dakken imezdaɣen n ugelluy-nni ur dbilen ara iman-nsen i yiman-nsen. Wa d agelluy n Tniri Tutrimt yettwaḥesben daɣ d tahrest taneggarut deg Tefriqt, ɣef wakken ay d-iwekked.

Deg tesleḍt-nnes, Mass Dupert yenna-d dakken Tiniri Tutrimt maci d « aneẓruf adamsan », yernu ammad ay tettamed Meṛṛuk afusfaṭ n Tniri Tutrimt d ayen ay as-d-yessadfen talemmast n 200 n yimelyunen n yidulaṛen yal aseggas.

« Afusfaṭ d taɣbalut tasnuddsant deg tdamsiwin tinimirin », yernu s ufusfaṭ ay d-ttgen timaqqusin yettwasseqdacen deg tkerrazt tatrart, ɣef wakken ay d-iwekked, dɣa ɣef waya, Tiniri Tutrimt d akal yesɛan azekka.

Asudu n Tezrawin Tisnakalanin n Yiwanaken Yeddukklen, yellan d udus anagdud d-yelhan s uḍfar n teɣbula tisnakalanin tisnuddsanin n umaḍal, yenna-d dakken deg Yennayer n 2020, dakken 72% seg tḥarazin tinezzanin tittwamadin n ufusfaṭ n umaḍal atenti deg wakal ameṛṛuki d Tniri Tutrimt ay tewdeg Meṛṛuk beṛṛa i usaḍuf. Deg 1975, tiḥarazin n ufusfaṭ n Tniri Tutrimt ttwaḍekḍent s 10 n yimelyaṛen n yiṭunen.

« Yernu seg yimir-nni ay sdergen akk tidet deg wayen yerzan acḥal n tḥarazin n ufusfaṭ yellan deg ugelluy ameṛṛuki d wacḥal yellan deg win n Tniri Tutrimt yettwawedgen s urkaḍ n usaḍuf agraɣlan », ɣef wakken ay d-iwekked.

 

Last modified on Lḥedd, 24 Mayu 2020 14:34
Tibuɣar timeqranin n Tniri Tutrimt mazal jebbdent-d ḍḍmeɛ n tmura tuṛufiyin
  Yeffeɣ-d ass n : Ljemɛa, 22 Mayu 2020 13:32     Taggayt : AMAḌAL     Ɣran-t : 24 n tikkal   Bḍu