Menu principal

Menu principal

Yessaweḍ uɣref awniri ad d-iḥaz adeg-nnes gar yiɣerfan n umaḍal

Yeffeɣ-d ass n : Ljemɛa, 22 Mayu 2020 12:27   Ɣran-t : 8 n tikkal
Yessaweḍ uɣref awniri ad d-iḥaz adeg-nnes gar yiɣerfan n umaḍal

CCAHID LḤAFEḌ - Yenna-d uselway awniri, Brahim Ghali, dakken aɣref awniri yewwi-d amecwaṛ d urbiḥ deg umennuɣ-nnes ɣef tlelli yernu ad ikemmel amennuɣ-a s uɛewwel akken ad d-yekkes tilelli d uzarug-nnes, am wakken ay yules iwekked-d dakken Tirni n Polisario ur tezmir ad teqbel kra n tifrat ma ur teḍmin ara azref n uɣref awniri i uguccelman.

Deg yiwen n yinaw i usfugel n umulli wis 47 n ubeddu n umennuɣ umrig awniri, yenna-d Mass Ghali dakken amennuɣ uɣdim n Yiwniriyen mazal yettkemmil s uɛewwel d tiɣest ijehden i urbaḥ n uzarug d tlelli.

Yerna-d uselway Ghali dakken Tirni n Polisario maci d amussu kan n uslelli aɣlenaw yettnaɣen ɣef uɣref awniri, wanag d ṛṛuḥ n uɣref-a s timmad-nnes.

« Aɣref yedda d tegrawla s uneffig, tiɣest d uɛewwel, aya d ayen yebnan ɣef tmasit d lqanaɛa-nnes yernu d wa ay d abrid ara t-yawin ɣer tlelli, azarug d uderfi », ɣef wakken ay d-yenna uselway Ghali deg yinaw-nnes.

Aselway Ghali yebder-d daɣ tamlilt tareslant ay tetturar Tredsa n Uslelli n Uɣref Awniri, am wakken ay d-yeckeṛ tamlilit-nnes deg uḍman n tɣellist d urkad n wasunen yettwaslellin d uwjad-nnes i yal tagnit ara d-yilin i umennuɣ i lmend n tnaya taɣelnawt n wakk agelluy awniri.

 

Yessaweḍ uɣref awniri ad d-iḥaz adeg-nnes gar yiɣerfan n umaḍal
  Yeffeɣ-d ass n : Ljemɛa, 22 Mayu 2020 12:27     Taggayt : AMAḌAL     Ɣran-t : 8 n tikkal   Bḍu