Menu principal

Menu principal

Ass n Tmeddurt Ddukkli deg Talwit: « Neddukkel deg umgerrad d tanḍa »

Yeffeɣ-d ass n : Letniyen, 18 Mayu 2020 13:19   Ɣran-t : 55 n tikkal
Ass n Tmeddurt Ddukkli deg Talwit: « Neddukkel deg umgerrad d tanḍa »

NEW YORK – Yesfugel umɣiwan agraɣlan, ass n usiḍyas, « Ass Agraɣlan n Tmeddurt Ddukkli deg Talwit » yernu talemmiẓt-a d tin ayseg yessefk ad yegzu umaḍal dakken « tameddurt ddukkli d aqbal n yimgerraden, d asefled, d aqader d usteɛṛef s wiyaḍ d tmeddurt deg ṛṛuḥ n talwit d tgurmit », ɣef wakken ay d-tenna Tuddsa n Yiɣlanen Yeddukklen.

« Ass-a d ammak n usebges, s yimek d alugan, n wussisen i lfayda n talwit, tasurfa, aqbal n wiyaḍ, agzay d temsetlelt yernu d talemmiẓt i medden akk akken ad d-ssiwlen ɣef tiɣest-nsen talqayant n tmeddurt d umahil ddukkli deg umgerrad d tanḍa, i lmend n tmeṣkiwt n umaḍal iṣelḥen i tmeddurt yernu d win yebnan ɣef talwit, tamsetlelt d tgurmit », ɣef wakken ay d-tenna Tuddsa n Yiɣlanen Yeddukklen deg usmel-nnes n Internet.

Iwanaken imaslaḍen n Yiɣlanen Yeddukklen ttwanecden-d ad mahlen i lmend n umsuɣal akken ad ttekkin deg talwit d unegmu unzig, yernu ad d-yili waya ladɣa s umyalel gar yimɣiwanen, iɣellaten isɣananen d yidisan ay terza temsalt s tuddma n wakaten n umsuɣal d temsetlelt d usebɣes n yimdanen akken ad msurfen yernu ad myeṛḥamen.

Tuddsa tesmekti-d dakken deffir Umgaru Anmaḍal Wis Sin, Iɣlanen Yeddukklen ttwasɣenwen-d s yiswiyen d yimenzayen yekkaten ladɣa ɣef usebɛed n umgaru ɣef tsutwin ay d-yetteddun.

Yiwen seg yiswiyen-a, ɣef leḥsab n Yiɣlanen Yeddukklen, d asiweḍ ɣer unmireg agraɣlan i uferru n wuguren igraɣlanen yeqqnen ɣer tdamsa, timetti, idles neɣ uguren imdananen d usebɣes ɣef uqader n yizerfan n umdan d tlelliyin tireslanin i wakk medden war asmeḥyef deg yiri, uzuf, tutlayt neɣ asɣan.

 

Last modified on Laṛebɛa, 20 Mayu 2020 12:34
Ass n Tmeddurt Ddukkli deg Talwit: « Neddukkel deg umgerrad d tanḍa »
  Yeffeɣ-d ass n : Letniyen, 18 Mayu 2020 13:19     Taggayt : AMAḌAL     Ɣran-t : 55 n tikkal   Bḍu