Ugar n 100 n yimegriyen ay yettewten deg yigenni deg Surya – Musku

Yeffeɣ-d ass n : Ssebt, 14 Yebrir 2018 13:51   Ɣran-t : 313 n tikkal
Ugar n 100 n yimegriyen ay yettewten deg yigenni deg Surya – Musku

Normal 0 21 false false false FR X-NONE AR-SA MicrosoftInternetExplorer4

MUSKU – Yenna-d uɣlif arusi n temḥaddit, ass n ssebt, dakken Iwanaken Yeddukklen d yimsisan-nsen wten 100 n yimegriyen ɣef Surya, maca amḍan meɣɣren seg-sen wten-ten yiɣallen isuriyen deg yigenni.

« Ugar n 100 n yimegriyen n tzegra d yimegriyen igenni-akal ay slefɣen Yiwanaken Yeddukklen, Briṭanya Tameqrant d Fṛansa seg yilel d yigenni mgal yiswiyen iserdasanen d yiɣermanen isuriyen », ɣef wakken ay d-yenna uɣlif arusi n temḥaddit deg yiwen n ulɣu ay d-tebder tnegga n yisalan tunṣibt n RIA Novosti.

D acu kan, tessaweḍ temḥaddit tagennant tasurit ad terẓ aṭas seg yimegriyen-a deg yigenni, ɣef wakken ay d-yenna uɣlif arusi n temḥaddit.

Tissersa tirusiyin n temḥaddit tagennant ay yellan deg Surya ur ttwasqedcent ara, ɣef wakken ay d-yenna uɣlif-a.

Ulac ula d yiwen n yimegri utrim ay iḥuzan asunen ay dlent temḥaddiyin tigennanin n Rrus ay d-yezzin i yizaduren n Tartous d Hmeimim deg Surya, ɣef wakken ay d-yenna ulɣu-a.

Yenna-d uɣlif arusi dakken imegriyen-a slefɣen-ten-id yiɣerruba imarikaniyen ay yellan deg Yilel Azewwaɣ, isafagen yellan ttafgen nnig Yilel Agrakal d yimesberrawen isnuddsanen imarikaniyen ay d-yekkan seg uzadur agennan n Al-Tanf deg ugafa-agmuḍan n Surya.

Ugar n 100 n yimegriyen ay yettewten deg yigenni deg Surya – Musku
  Yeffeɣ-d ass n : Ssebt, 14 Yebrir 2018 13:51     Taggayt : AMAḌAL     Ɣran-t : 313 n tikkal   Bḍu