Jerḥen, ma ulac, 12 n Yifalesṭiniyen deg yimsegrawen deg tesfift n Ɣezza

Yeffeɣ-d ass n : Ttlata, 03 Yebrir 2018 14:41   Ɣran-t : 106 n tikkal
Jerḥen, ma ulac, 12 n Yifalesṭiniyen deg yimsegrawen deg tesfift n Ɣezza

ƔEZZA – Jerḥen, ma ulac, 12 n Yifalesṭiniyen, ass n letniyen, mi gan imsegrawen ɣef tlisa gar Ɣezza d Isṛayil, ɣef wakken ay d-nnan yimsukksen.

Azal n 12 n yinmeskanen ifalesṭiniyen ay yettwajerḥen s rrṣaṣ n yiserdasen isṛayiliyen, ɣef wakken ay d-yenna Ashraf al-Qedra, amutlay n uɣlif n tdawsa n Ɣezza.

D timrawin niḍen ay diwan daɣ ɣef tlisa imi ay sraḥen urrig n yimeṭṭawen, ɣef wakken ay d-yerna.

Cwiṭ uqbel waya, yenna-d Mass al-Qedra dakken yemmut yiwen n Ufalesṭini n 29 n yiseggase, Frares al-Reqeb, ɣef lǧal n lejruḥ ay yejreḥ ass n ljemɛa, mi qersen yiserdasen isṛayiliyen ɣef kra n yinmeskanen deg ugmuḍ n Ɣezza yernu ḥuzan-t deg tɛebbuḍt.

Yella-d ccwal war tamtilt gar timaḍ n yinmeskanen ifalesṭiniyen d yiserdasen isṛayiliyen ass n ljemɛa, deg ukatar n umsegraw ay ssefran Yifalesṭiniyen ad yeḍḍef 6 n yimalasen, d win umi semman « Tiddit Tameqrant n Tuqqla ».

Yenna-d Mass al-Qedra dakken, seg wass n ljemɛa, 16 n Yifalesṭiniyen ay yettwenɣen yernu jerḥen 1600 niḍen deg tesfift n Ɣezza. Amur ameqran seg-sen jerḥen s rrṣaṣ isṛayili.

Snat n tfekkiwin tifalesṭiniyin ay d-mazal ɣer tredsa tisṛayilit, ɣef wakken ay d-yerna.

 

Jerḥen, ma ulac, 12 n Yifalesṭiniyen deg yimsegrawen deg tesfift n Ɣezza
  Yeffeɣ-d ass n : Ttlata, 03 Yebrir 2018 14:41     Taggayt : AMAḌAL     Ɣran-t : 106 n tikkal   Bḍu