Aṭṭerḍeq mi iɛedda uneɣlaf amenzu afalesṭini deg yiwen n webrid deg Ɣezza

Yeffeɣ-d ass n : Ttlata, 13 Meɣres 2018 13:35   Ɣran-t : 25 n tikkal
Aṭṭerḍeq mi iɛedda uneɣlaf amenzu afalesṭini deg yiwen n webrid deg Ɣezza

ƔEZZA – 7 n yemdanen ay ijerḥen ass n ttlata mi d-yella yiwen n uṭṭerḍeq deg yiwen n webrid deg tesfift n Ɣezza mi d-tɛedda tseglit n uneɣlaf amenzu n Udabu Afalesṭini, Rami Hamdallah, ay d-yerzan ɣef temnaḍt-a, ɣef wakken ay d-nnan yimidyaten ifalesṭiniyen.

Yella-d uṭṭerḍeq-a deg temdint n Beit Hanoun, deg ugafa n tesfift n Ɣezza, yernu iḥuza sin n yemseddayen ineggura n tseglit-a, dɣa d aya ay d-yeglan s wejraḥ n 7 n yemdanen, ɣef wakken ay d-tenna tnegga n yisalan tafalesṭinit n WAFA.

Mass Hamdallah d yiɣef afalesṭini n wumel, Majid Faraj, llan deg tseglit-a maca ur ten-yuɣ wacemma, ɣef wakken ay d-tenna tnegga-a.

Werɛad ur ẓrin anwa ay yellan deffir uṭṭerḍeq-a ay d-yellan mi tudef tseglit-nni ɣer wakal n Ɣezza.

Yessummel-d uselway n Udabu Afalesṭini, Mahmoud Abbas, “anṭag-a amelɣun”, ɣef wakken ay d-nnant teɣbula-a.

 

Aṭṭerḍeq mi iɛedda uneɣlaf amenzu afalesṭini deg yiwen n webrid deg Ɣezza
  Yeffeɣ-d ass n : Ttlata, 13 Meɣres 2018 13:35     Taggayt : AMAḌAL     Ɣran-t : 25 n tikkal   Bḍu