Tessuter Tfidiṛalit n Yinegmaren Iknaṛiyen seg Spenyul d Tdukli Tuṛufit ad mciwṛent srid d Polisario

Yeffeɣ-d ass n : Letniyen, 12 Meɣres 2018 14:28   Ɣran-t : 20 n tikkal
Tessuter Tfidiṛalit n Yinegmaren Iknaṛiyen seg Spenyul d Tdukli Tuṛufit ad mciwṛent srid d Polisario

LAS PALMAS – Tessuter Tfidiṛalit n Yinegmaren Iknaṛiyen « Canarios » seg unabaḍ aspenyuli d Tdukli Tuṛufit akken ad qadren azraf n Tnefrut n Teɣdemt n Tdukli Tuṛufit ay tt-id-yefran akken iban dakken amtawa n wegmar n yiselman gar Tdukli Tuṛufit d Meṛṛuk ur yettwasnas ara ɣef Tniri Tutrimt d waman ay yellan sdat-s yernu tessuter tfidiṛalit-a seg Spenyul d Tdukli Tuṛufit ad mciwṛen srid d Terni n Polisario ay yellan d tagensast tuzrift n weɣref awniri.

I lmend n waya, twekked-d tfidiṛalit n “Canarios” deg yiwet n tseɣrut ay d-yettwabedren deg tɣemsa dakken Tirni n Polisario tenna-d dakken tebɣa ad tessiweḍ ɣer yemtawayen d teṛmisin ay terza temsalt i wesnegmu n yermuden idamsanen deg waman n Tniri Tutrimt s ussirem n ussiweḍ ɣer wermud ara iqadren tiɣbula n tmurt-a.

Terna-d daɣ tfidiṛalit-a dakken amtawa n wegmar ara d-yilin s wemciweṛ d Terni n Polisario d win ara iḍemnen arkad d wedham azerfan iwatan akken ad zemren yinegmaren iknaṛiyen d Wuṛufiyen s umata ad gemmren iselman deg waman iwniriyen. 

 

 

Tessuter Tfidiṛalit n Yinegmaren Iknaṛiyen seg Spenyul d Tdukli Tuṛufit ad mciwṛent srid d Polisario
  Yeffeɣ-d ass n : Letniyen, 12 Meɣres 2018 14:28     Taggayt : AMAḌAL     Ɣran-t : 20 n tikkal   Bḍu