Ifalesṭiniyen yettwaḥebsen war ccṛeɛ ɣunzan tinefra tisṛayiliyin

Yeffeɣ-d ass n : Laṛebɛa, 14 Fuṛaṛ 2018 11:19   Ɣran-t : 35 n tikkal
Ifalesṭiniyen yettwaḥebsen war ccṛeɛ ɣunzan tinefra tisṛayiliyin

RAMALLAH (Ikalen ifalesṭiniyen), – Ifalesṭiniyen ay yettwaḥebsen war ccṛeɛ ad ɣanzun tinefra tiserdasanin tisṛayiliyin, ɣef wakken ay d-yenna, ass n ttlata, umasay n ukaram n yimeḥbas ɣer Udabu Afalesṭini.

 « Imeḥsab yellan deg weḥbaz adeblan deg tkurmutin tisṛayiliyin ɣetsen ad ɣanzun tinefra tisṛayiliyin yernu d tikkelt tamezwarut ay d-yella weɣtas-a, am wakken ay ɛewwlen ad yili d aɣtas-nsen aneggaru seg wass n 15 Fuṛaṛ d asawen, yernu yella-d waya i uccetki ɣef tsertit-a taruɣdimt », ɣef wakken ay d-yenna Issa Qaraqe deg yiwen n usarag n tɣemsa deg Ramallah, deg Ugemmaḍ Utrim yettwawedgen.

 Azal n 500 n Yifalesṭiniyen ay yella, ass-a, deg weḥbas adeblan deg tkurmutin tisṛayiliyin.

 Anagraw-a d win ay yettaǧǧan aḥbas n yimeckuken war ccṛeɛ i tallit n 6 n wayyuren ay yettwaɛawaden war tilisa. Kra n yimeḥbas ur ttwaxebbaren ara ula ɣef ssebba n weḥbas-nsen. D ccṛeɛ aserdasan isṛayili ay iɣettsen asseɣzef n weḥbas-nni neɣ tukksa-nnes.

 Yenna-d daɣ Mass Qaqare dakken imeḥsab ifalesṭiniyen ay yettwaḥebsen ddaw unagraw-a afɣuɣdim ad fken lameṛ i yibugaṭuten-nsen akken ur d-ttasen ara ɣer tnefra aydeg ara ttwacaṛɛen.

 Anagraw-a n weḥbas zeɣnen-t Yifalesṭiniyen, tuddsiwin n temḥaddit n yizerfan n wemdan d yimaslaḍen n wemɣiwan agraɣlan ay yetthamayen Isṛayil s usseqdec-nnes akkin i tlisa.

 

Imeḥbas ifalesṭiniyen nnummen ttgen isundiden n laẓ akken ad d-ssummlen ṣṣenf-a n weḥbas d yir tignatin aydeg ttwaḥebsen.

Last modified on Laṛebɛa, 14 Fuṛaṛ 2018 17:55
Ifalesṭiniyen yettwaḥebsen war ccṛeɛ ɣunzan tinefra tisṛayiliyin
  Yeffeɣ-d ass n : Laṛebɛa, 14 Fuṛaṛ 2018 11:19     Taggayt : AMAḌAL     Ɣran-t : 35 n tikkal   Bḍu