Falesṭin: aḥbas n Ahed Tamimi d arram i ussigged n yigerdan ifalesṭiniyen – Amnesty International

Yeffeɣ-d ass n : Ttlata, 13 Fuṛaṛ 2018 12:19   Ɣran-t : 187 n tikkal
Falesṭin: aḥbas n Ahed Tamimi d arram i ussigged n yigerdan ifalesṭiniyen – Amnesty International

 LONDON – Tenna-d Amnesty International, ass n letniyen deg London, dakken iɣallen n wewdag isṛayili yessefk ad d-slellin, war leɛḍil, tameɣnast tafalesṭinit Ahed Tamimi yernu aḥbas-nnes d « arram amayus i ussigged n yigerdan ifalesṭiniyen » ay la izebbun mgal wemḥaq n yiɣallen n wewdag.

 Deg yiwen n welɣu ay d-yeffɣen yiwen wass uqbel ma tella-d tɣimit tamaynut deg ccṛeɛ n Ahed Tamimi deg tnefrut taserdasant n yigerdan n Ofer, deg Ugemmaḍ Utrim yettwawedgen, tenna-d Amnesty International, i tikkelt niḍen, dakken « ulac akk ayen ay tga akken ad tettwaḥbes anect-a akk yernu ad tettwabḥet » s tizzernent.

 Tuddsa-a tarnabaḍt twekked-d dakken tanubit-a tettwatthem s 12 n ttehmat, tezmer ad tettwassiẓer ɣer 10 n yiseggasen n tkurmut lemmer ad tettwassedneb yernu acaṛeɛ-nnes yezmer ad yeḍḍef acḥal n wayyuren. Iswi n weḥbas-nnes d taruẓi n yifadden i wezbu afalesṭini, ladɣa azbu n tsutwin timaynutin.  

 

« S tagayt ay ugin yiduba isṛayiliyen ad d-slellen Ahed Tamimi ay yettwabẓen ass n 19 Dujembeṛ, sskanayen-d yiduba-a taḥeqranit ay ḥeqren lwajeb-nsen n uqader n usaḍuf agraɣlan deg wayen yerzan ammesten n yigerdan », ɣef wakken ay d-tenna tmalalt n unemhal n Wegmuḍ Alemmas d Tefriqt, Magdalena Mughrabi.

 

 

Terna-d daɣ dakken « taqcict ur isellḥen am Ahed ur telli ara akk d tuggza i yiserdasen isṛayiliyen wukud tennuɣ, deg wakud aydeg nitni llan sellḥen s taẓeyt yernu lsan iceḍḍiḍen n ummesten ».

Last modified on Ttlata, 13 Fuṛaṛ 2018 14:11
Falesṭin: aḥbas n Ahed Tamimi d arram i ussigged n yigerdan ifalesṭiniyen – Amnesty International
  Yeffeɣ-d ass n : Ttlata, 13 Fuṛaṛ 2018 12:19     Taggayt : AMAḌAL     Ɣran-t : 187 n tikkal   Bḍu