Afran n Meṛṛuk ɣer Useqqamu n Talwit d Tɣellist n Tdukli Tuṛufit d arkaḍ n yimeznayen n Tdukli

Yeffeɣ-d ass n : Ssebt, 27 Yennayer 2018 15:27   Ɣran-t : 48 n tikkal
ADDIS-ABEBA – Yenna-d uneɣlaf awniri n yiweẓla n wezɣar, Mohamed Salem Ould Salek, dakken afran n Meṛṛuk d tamaslaḍt deg Useqqamu n Talwit d Tɣellist n Tdukli Tafriqit d arkaḍ n yimenzayen n llsas n Tdukli-a imi nettat d tamurt « tanewdagt yernu d tasehrast ».
 
« Tettwafren Meṛṛuk deg wakud aydeg ay terkeḍ imenzayen n llsas n Tdukli Tafriqit d Useqqamu n Talwit d Tɣellist n Tdukli, gar-asen amenzay n uqader n tlisa n yiwanaken imaslaḍen, ladɣa imi tamurt-a yettwasemma d 'tamurt tanewdagt’ ɣer Tdukli Tuṛufit d Yeɣlanen Yeddukklen », ɣef wakken ay d-yenna Mass Ould Salek deg yiwet n tseɣrut i tɣemsa tagraɣlant deg yijifeṛ n tedwilt tisn 32 n Useqqamu Aslekman n Tdukli Tafriqit.
 
« Nettwali dakken afran n Meṛṛuk ɣer Useqqamu n Talwit d Tɣellist n Tdukli Tafriqit maci d ṛṛay yelhan deg wakud aydeg ay tella d tamezwarut tawḥidt n Tefriqt n Ugafa i wemkan-a », ɣef wakken ay d-yenna Mass Ould Salek ay d-yernan dakken tis 3 seg 55 n tmura timaslaḍin n Tdukli ur dɣirent ara ɣef Meṛṛuk.
 
I lmend n waya, yenna-d dakken Meṛṛuk ur tt-id-iṣaḥ ara wedhal n 55 n yimaslaḍen n Tdukli deg wakud aydeg imazwaren niḍen ay yettwafernen uwyen-d 44 d 55 n tuɣac.
Yenna-d dakken « ulac tuddsa tagraɣlant, la Tuddsa n Yeɣlanen Yeddukklen, wala Tadukli Tafriqit wala Tadukli Tuṛufit, ay yesteɛṛfen s tnaya n Meṛṛuk ɣef Tniri Tutrimt, yernu yenna-d dakken tafrant-a ad terr tamurt-a tanewdagt deg tegnit iweɛṛen ».
 
Yesmekti-d dakken imenzayen n llsas n Tdukli Tafriqit ttwekkiden-t dakken tilisa ur ttwannalent deg wakud aydeg tineɣtusin n Tdukli steɛṛifent s tnaya n weɣref awniri ɣef wakal-nnes d yizerfan-nnes ur yettwakkasen i lmend n ugguccelman d uzarug.  
 
10 n tmura, gar-asent Meṛṛuk, ay yettwafernen i lewṣaya n sin n yiseggasen ɣer Useqqamu n Talwit d Tɣellist deg tedwilt-nnes tanumant tis 32 n Useqqamu Aslekman n Tdukli Tafriqit ay la d-yettilin deg tmaneɣt tityupit i ussewjed n tqacuct tis 30 n yiɣfawen n uwanak d unabaḍ ara d-yilin deg Addis-Abbeba ussan n lḥedd d letniyen.
Afran n Meṛṛuk ɣer Useqqamu n Talwit d Tɣellist n Tdukli Tuṛufit d arkaḍ n yimeznayen n Tdukli
  Yeffeɣ-d ass n : Ssebt, 27 Yennayer 2018 15:27     Taggayt : AMAḌAL     Ɣran-t : 48 n tikkal   Bḍu