Menu principal

Menu principal

BRUXELLES – Asarag n Udhal d Temsetlelt d Umennuɣ n Tniri Tutrimt (EUCOCO) d Tuddsa n Temsetlelt d Yiɣerfan Afrusyawiyen (AAPSO) ssefrayen ad d-bdun tasentayt tamaynut i lmend n Tniri Tutrimt. Tasenftayt-a ad tili d tasguri umi semman « Adhal n uzref agraɣlan, izerfan n umdan d uzref n uguccelman i uɣref n Tniri Tutrimt, tahrest taneggarut n Tefriqt ».
LEZZAYER TAMANEƔT – Amlu aneggaru n uwnetlay amatu n Tuddsa n Yiɣlanen Yeddukklen, Antonio Guterres, ɣef Tniri Tutrimt, ur yeddi ara d ṛṛuḥ ucrik n uferru n tezɣent-a ay ḍefrent Tuddsa n Yiɣlanen Yeddukklen d Tdukli Tafriqit, yernu amlu-a d win yesḍelmen ama d taɣtest, ama d win yetɛeddan fell-as, ɣef wakken ay d-yenna, ass n usiḍyas, ugensas n Tniri Tutrimt ɣer Tuddsa n Yiɣlanen Yeddukklen, Sidi Mohamed Omar.
NEW YORK (Tuddsa n Yiɣlanen Yeddukklen) – Wekkden-d, deg yiwet n temlilit n Useqqamu n Tɣellist n Tuddsa n Yiɣlanen Yeddukklen, ass n ukras deg New York, deg temlilit n Useqqamu n Tɣellist n Tuddsa n Yiɣlanen Yeddukklen ɣef tagnit deg Tniri Tutrimt, dakken d tatribt ad d-qqlen yistagen gar Terni n Polisario d Meṛṛuk ddaw tmehla n umazun amaynu n Yiɣlanen Yeddukklen.
BIR LEḤLU (Igelluyen iwniriyen yettwaslellin) – Iwekked-d uselway n Useqqamu n Uciweṛ Awniri, Ould SOuilem Meghifri, ass n uynas tameddit, deg temnaḍt n Bir Leḥlu, dakken « s tseɣrut n tdukli taɣelnawt n 12 Tubeṛ 1975, aɣref awniri ifuk tallit n ubeḍḍu ».
NEW YORK (Tuddsa n Yiɣlanen Yeddukklen)- Tugi Terni n Polisario, ass n uynas, ayen ay d-yenna ugensas ameṛṛuki deg Tuddsa n Yiɣlanen Yeddukklen deg wayen yerzan aẓayer azerfan n Tniri Tutrimt yernu tules twekked-d dakken akaram-a, ulac deg-s ccek, d tamsalt n tukksa n usehres ay werɛad ifuken deg ukatar n tneɣtusin n Tuddsa n Yiɣlanen Yeddukklen yernu kra seg tneɣtusin-a dehlen-tent ula d imasayen imeṛṛukiyen uqbel ma tenbeẓ Meṛṛuk agelluy n Tniri Tutrimt deg 1975.
LEZZAYER TAMANEƔT – Iɛeyyen-d tikkelt niḍen uneɣlaf awniri n yiweẓla iwerdaniyen, Mohamed Salem Ould Salek, dakken inaw « armasay » ay d-tewwi Meṛṛuk ussan-a ɣef tegnit deg Tniri Tutrimt d win « ay izemren ad yerr tamnaḍt ɣer texxamt n tgellawt », am wakken ay d-iwekked ɣef uguccel n uɣref awniri akken ad ikemmel amennuɣ-nnes uzrif i uzarug s wakk ammaken, ula s wammak aredsan.
BRUXELLES – Yessummel-d usanay n « Western Sahara Resource Watrch », ass n ukwas, tuqqla n Meṛṛuk ɣer usiǧew n yiselman ugrisen seg Tniri Tutrimt ɣer yisugan n tmura n Tefriqt n Utaram, yernu iwekked-d dakken tanezzut-a « yettekkay srid deg useɣzef » n uwdag arusḍif n Meṛṛuk deg tmurt-a yellan d tahrest taneggarut deg Tefriqt.
NEW YORK (Iɣlanen Yeddukklen) – Yenna-d uwnetlay amatu n Tuddsa n Yiɣlanen Yeddukklen, Antonio Guterres, dakken aṛabul amaynu ɣef yizerfan n umdan deg Tniri Tutrimt yebder-d dakken Meṛṛuk tesseɛweq awwaḍ n Tesmirit Tunnigt n Yiɣlanen Yeddukklen i Yizerfan n Umdan ɣer yideggen anda ara tesnuḍef izerfan n umdan deg Tniri Tutrimt yellan d tahrest taneggarut deg Tefriqt.
LEZZAYER TAMANEƔT – Iger-d tiɣri uneɣlaf n yiweẓla iwerdaniyen, Sabri Boukadoum, ass n uynas, i Useqqamu n Tɣellist n Tuddsa n Yiɣlanen Yeddukklen, akken « ad d-sɛejlen » asummed n umazun uzzig i Libya yernu iḥettet ɣef tsudut-a ad tesseḥbiber ɣef uzrak n tfergi ɣef yimrigen ay d-yettwaḥettmen ɣef Libya.
LEZZAYER TAMANEƔT – Yules iwekked-d uneɣlaf n yiweẓla n uzɣar, Sabri Boukadoum, ass n uynas deg Lezzayer Tamaneɣt, dakken Lezzayer teṭṭef deg waddud-nnes n tifrat tasertant deg Libya, d win aydeg tugi akk aseqdec n yimrigen d yimkariyen.