Menu principal

Menu principal

LEZZAYER TAMANEƔT – Ad yeɣli ugeffur tikwal s ṛṛeɛda deg yigezda n Tlemmast akked Ugemmuḍ n tmurt seg wass n usamas (lḥedd) ɣef wis 15h d afella, ɣef wakken i d-yenna yiwen n uɣmis yemmuzgen n tesnignawt (BMS) d yefka Wammas aɣelnaw n wariden n tesnignawt.
LEZZAYER TAMANEƔT – Skelsen samraw d yiwen (71) n tmettanin s uɣrag ideg llan 46 n yimdanen deg teftisin yettwagedlen i uɛummu deg 14 n yigezda i d-yezgan ɣef yiri n yillel deg twala yersen gar 15 yulyu akked 1 tuber 2020, i d-yenna ass n ukwas (lexmis) unemhal n teɣwalt akked usiḍen deg Tmehla tamatut n Umesten aɣarim (DGPC).
MƐESKEṚ – Asemtar deg Tselwit n Tegduda yettwakelfen s umussu aduklan akked umɣiwan aɣelnaw yellan beṛṛa n tmurt, Nazih Berramdane icar-d, ass n usamas (lḥedd) deg Mɛeskeṛ, dakken ad gen sya d afella yiwet n tsetratijit i wakken ad ssuddsen amahil n umussu n tiddukliwin n Lezzayer.
WEHRAN – Ammas n tedmi deg tesnemdant tanmettit akked tdelsant (CRASC) n Wehran ad yeg ass n 21 ctember ideg nella yiwet n tili-saragt ɣef usentel-a"Tameddurt ddukli akked waṭan Covid-19", i aɣ-d-nnan yimsuddsen-is.
LEZZAYER TAMANEƔT – Kramraw d sin (32) n yimdanen i yemmuten akked 1 462 iḍen d imejraḥ deg 1 182 n yisehwa n ubrid i yettwaskelsen deg yiwet n twala i yeqqimen seg 2 ɣuct ar 8 ɣuct deg wakal akk aɣelnaw, ɣef wakken i d-yedda deg yiwet n tecrawt i d-ssuffɣen, ass usinas (ttlata), yimeẓla n Umesten aɣarim.
LEZZAYER TAMANEƔT – Yuder s 21,37 % umḍan n tmettanin deg yisehwa n ubrid deg usḍisyur amezwaru n useggas n 2020, akka 352 n yimdanen i imenɛen seg tmettant, s wassaɣ ɣur twala n useggas n 2019, i d-yenna, ass n usinas (ttlata), yiwen n ulɣu n Tmagla taɣelnawt n tɣellist n ubrid.
TAMENƔAST – Taneɣlaft n Temsetlelt taɣelnawt, n Twacult akked Liḥala n tmeṭṭut, d taneɣlat n leɛḍil n Umahil, n Usmahel akked Tɣellist tanmettit, Kaoutar Krikou tenna-d dakken tasertit tamaynut n ugzum ters ɣef usekcem n taggayin turhifin deg tneflit tadamsant, s uḍman-nsen n yiwen n usileɣ akked talelt akken ad zemren ad reḍlen idrimen seg Tnegga Taɣelnawt n n usefrek n tmikruṛmisin (ANGEM).
LEZZAYER TAMANEƔT – Yezmel uɣlif n yiweẓla isɣananen, ass n ukwas, tamyaqqant d Ugman Aɣelnaw n Umesten d Usmal n Tgerda i usejhed n tigawt tucrikt deg wayen yerzan amesten d usmal n yigerdan.
LEZZAYER TAMANEƔT – Ixebber-d uɣlif n tnazent, ass n ukras, deg yiwen n ulɣu, dakken yella-d uciri unṣib n « Umnir Amsekran i Yimawlan, Imesnalen d Yisegmayen i Umesten n Yigerdan deg Internet », yernu yella-d waya i lmend n Wass Aɣelnaw n Ugrud ay tesfugul Lezzayer yal 15 Yulyu.
WEHRAN – Anezraf n tsenbert n Wehran isers, ass n usinas (ttlat) tameddit, yiwet n tmeṭṭut deg tkurmut tuɛḍilt deg yiwen n uweẓlu n usmahel n tekriḍt akked rregmat mgal n yimehhalen isnajyanen n usegnaf "Amsujji Benzerdjeb", i d-yenna ass n ukras (larebɛa) yiwen n ulɣu n tɣamsa n uwkil n Tegduda n tsenbert.