LEZZAYER TAMANEƔT – Anemhal amatu n Teṛmist n Umiṭru n Lezzayer (EMA), Kouraba Mustapha, yenna-d dakken ‘’la teddun yimuhal’’ akken ad yekfu uḥric n usnerni n Umiṭru n Lezzayer seg teɣsert n Lḥerrac ɣer Unafag agraɣlan Houari Boumediene akked win n Ɛin Nneɛǧa (Tala n Taɣaḍt) ɣer Berraqi deg tazwara n useggas n 2019.
TABATENT – Udfen waman n unẓar ɣer kra n yixxamen ass n ssebt tameddit deg temdint n Tbatent d kra n tɣiwanin n twilayt-a am wakken ay xeṣren kra n yibriden ɣef lǧal n unẓar d ubruri ay d-iwten s waṭas ass-nni.
TIZI UZZU – Tenna-d tnemhalt n yidles n twilayt n Tizi Uzzu, Nabila Goumeziane, dakke ad d-tili, ass n ssebt, tḥemla d tawizit i ussizdeg n temdint n Tizi Uzzu yernu yella-d waya d azwur sɣur ucennay Zayen ay d-yesɛeddan, ass n laṛebɛa, yiwen n uklip ɣef uḥraz n twennaḍt.
ǦIǦEL – Tettwarẓem tleggit n Ɣar Lbaz (deg ubrid aɣelnaw wis 43) gar Zzyama Tamenṣurit d Ǧiǧel ass n laṛebɛa s uḥdaṛ n yiduba inagduden d yiɣermanen.
TIZI UZZU – Caren taẓrigt tamezwarut n tmesrit n ussemres n twilayt n Tizi Wezzu, ass n letniyen deg ufrag n « Tameɣra » ay d-yusan deg temdint tamaynut n Tizi Uzzu.
LDZAYER TAMANEƔT – Yefka-d yiwen n uremmaɣ iman-nnes ass n ssebt i yiduba iserdasanen n Tmenɣest yernu yewwi-d yid-s abeckiḍ-amitṛayut s sin n yiseččaṛen yeččuren, ɣef wakken ay d-yenna uɣlif n temḥaddit tɣelnawt deg yiwen n uɣlu.
MILA – Ad d-wejden 3 n yisensa imaynuten deg Mila deg umesḍis amezwaru n 2018 yernu ad sɛun ajemmal n 330 n wusuten, ɣef wakken ay d-yenna unemhal adigan n tmerrit d tenḍi, Abdallah Lachouri.
BUMERDAS – Azal n 4.640 n yixxamen ay yettwaqqnen ɣer uẓeḍḍa n wurrig agaman deg temnaḍin yemgerraden n twilayt n Bumerdas deg 3 n wayyuren imezwura n 2018, ɣef wakken ay d-yenna,a ss n lḥedd, yiwen n umasay n Teṛmist n Ussedger n Tetrist n Wurig n temnaḍt-a.
TUBIRET – Ad teldi tiwwura-s, ass n letniyen deg uxxam n Yidles Ali Zaâmoum n temdint n Tubiret, teẓrig tamezwarut n Tmesrit taɣelnawt uzawag asunɣan ideg ara ttekkint ddeqs n twilayin n tmurt, i d-tcar ass n lḥedd tnemhalt n temṣukt tadelsant, Saliha Cherbi.
WAREGLA – Yettwassaẓer yiwen n umsetti n tehyufin ɣer 20 n yiseggasen n tkurmut d tefgurt n 5 yimelyunen n yidinaṛen, ass n lexmis deg tnefrut tajrimant n Waregla. Amdan-a d O.H.B., yesɛa 44 n yiseggasen, ɣef umesni arusḍif n tehyufin deg ukatar n yiwet n tegrawt tajrimant am wakken ay yettekka deg wedɣal n teftarin d usseqdec-nsent.