Menu principal

Menu principal

ƐIN TIMUCENT - Aneɣlaf n Teẓwert, Abdelmadjid Attar, yenna-d, ass n usinas (ttlata) deg Ɛin Timucent, dakken "taɣellist taẓewrant teḍmen ar iseggasen 2040-2050 maca llan yiberdan-iḍen ɣef waya i yessefk ad nesmemmi asaḍuf amaynu ɣef yiserɣan akken ad nessebɣes ticcerka akken ad nemhes ayen nesɛa n teẓwert".
TIBEST – Yenna-d uneɣlaf n yinaɣzen, Mohamed Arkab, ass n usinas seg Tibest, dakken ammad n usenfar n ufusfaṭ n temnaḍt n Blad Lḥedba, deg tɣiwant n Bir Lɛater (anẓul n twilayt n Tibest) d uselket d usenzi-nnes ad bdun « deg ukraḍyur amezwaru n useggas n 2021 ».
LEZZAYER TAMANEƔT – Yenna-d uneɣlaf n teẓwert, Abdelmadjid Attar, ass n uynas deg Lezzayer Tamaneɣt, dakken taɣellist taẓewrant taɣelnawt tettwaḍment arma d 2040, ma drus, yernu yella-d waya s tḥarazin d-yettwawekkden n 2.500 n yimelyaṛen n yimitren n wurrig d 1,7 n yimelyaṛen n yiṭunen n upitṛul.
LEZZAYER TAMANEƔT – Tezmel Teṛmist Taɣelnawt n Usedger n Tetrist d Wurrig (Sonelgaz) d Tnegga Taɣelnawt n Udhal n Usemres n Yilemẓiyen (ANSEJ), ass n ukwas deg Lezzayer Tamaneɣt, tamyaqqant-akatar i tmunit n teṛmisin tilemmasin d tmecṭuḥin, timguriwin timecṭuḥin d tlemmasin d teṛmisin n tesnatwilin timaynutin.
LEZZAYER TAMANEƔT – Yenna-d unemhal amatu n tɣult taɣelnawt, Djamel Khaznadji, ass n ukras deg Lezzayer Tamaneɣt, dakken imeẓla-nnes ssewjaden-d aḍris n usaḍuf i usbaḍ n tsekkirin i usdukkel n tedbal n useklas n wakal d taggaẓt taferkant akken ad qqlen d yiwet n tedbelt.
TABATENT – Iwekked-d uneɣlaf amenzu, Abdelaziz Djerad, ass n ukras tameddit, seg Tbatent, dakken asunen n tili atni gar « tuzwirin timezwura n wahil n unabaḍ », yernu asummed ay d-yessummed uselway n tegduda asemtar uzzig d-yelhan s uḍfar n wuguren n temnaḍin-a d ayen ay d-yesskanayen aya.
TABATENT – Iwekked-d uneɣlaf amenzu, Abdelaziz Djerad, ass n ukras, deg yiwet n terzi n umahil ɣef twilayt n Tbatent, dakken tamuɣli n unabaḍ d tin iwehhan ɣer « urẓam n tidet deg unrar n temguri » i « useɣnew n ticcurkiwin turbiḥin i wakk idisan ara yettekkin deg-sent ».
LEZZAYER TAMANEƔT – Yules iwekked-d uneɣlaf n teẓwert, Abdelmadjid Attar, ass n usinas, timeɣsiwt n Lezzayer akken ad d-tesnegmu anmireg d unfiɛ ama i nettat, ama i tmura tifriqiyin deg tɣult n teẓwert, ɣef akken ay d-yenna yiwen n ulɣu n uɣlif n teẓwert.
LEZZAYER TAMANEƔT – Tagrawt taɣelnawt n n tmerɣa n Sonatrach yella-d ɣer-s lexṣaṣ n rrbeḥ n 10 n yimelyaṛen n yidulaṛen gar tezwara n 2020 d Ctembeṛ n useggas-a ma nquren tallit-a ɣer tin n 2019, yernu yella-d lexṣaṣ-a n rrbeḥ ɣef lǧal n tkaɣreft n unfafad bu uqacuc. Ɣef waya, yenqes uzwil n yiweẓla n usiǧew n tegrawt-a s 41%, ɣef wakken ay d-tenna tecrawt n uɣlif n teẓwert.
LEZZAYER TAMANEƔT – Ad d-heyyin 50 n yimelyaṛen n yidinaṛen i usidrem n yisenfaren ara d-yilin deg wasunen n tili deg ukatar n usenfar n usaḍuf n tedrimt n 2021, ɣef wakken ay d-tenna, ass n uynas, tneɣlaft n wassaɣen d umni, Basma Azouar.