Menu principal

Menu principal

LEZZAYER TAMANEƔT – Kumraw tam (48) n yisragen uqbel ad tfak tḥemla n tsefrant n ucegger n tmenḍawt, tga tɣemsa taɣelnawt aktazel n tḥemla-a s yiwenniten, tigejda d tdiwenniyin ladɣa d yimsensertiyen.
LEZZAYER TAMANEƔT – Yessaẓer Useqqamu Islaman Unnig s « ljehd », ass n uynas deg yiwen n ulɣu, taḥemla « tamessuḍt » ay d-yellan mgal Lislam d umazun Muḥemmed, taẓallit d talwit n Yuc fell-as.
LEZZAYER TAMANEƔT - Aneɣlaf Amezwaru, Abdelaziz Djerad yesselwi, ass n uynas (letniyen) deg Lezzayer tamaneɣt , tafugla n tikci n warrazen i wid irebḥen deg Lbak n useggas n 2020, tettwasuddes ddaw leɛnaya n Uselway n Tegduda, Mass Abdelmadjid Tebboune.
LEZZAYER TAMANEƔT – Iger-d unabaḍ tiɣri, ass n usamas, i yiɣermanen akken ad ssuggten taɣḍeft yernu ad qqimen msetlalen yernu ɛewwlen akken ad nnaɣen mgal tkaɣreft n unfafad bu uqacuc ladɣa imi amḍan n tejṛa timaynutin yerna deg umaḍal.
LEZZAYER TAMANEƔT - Ajiniral n Tfekka n Tredsa, Chanegriha Saïd, Aɣella n Yifesyanen n Tredsa taɣelnawt taɣerfant, yeɣra-d ass n usamas (lḥedd) deg Waregla, akken ad gen ugar n tɣersawt akked usezwer n teɣẓint, i unǧaḥ n tsefrant ɣef usenfar n ucegger n Tmenḍawt, i d-yenna yiwen n ulɣu n uɣlif n Temḥaddit taɣelnawt.
LEZZAYER TAMANEƔT - Aselway n Tegduda, Abdelmadjid Tebboune yenna-d ass n usiḍyas (ssebt) dakken ad yeg tuɣdaḍin-is s umeccaq alamma yekfa ukman s lebɣi ara yekken 5 wussan, iḍmen-d iɣermanen-is dakken "ur tyuɣ kra".
LEZZAYER TAMANEƔT - Asenfar n usenwi n Tmenḍawt ara iɛeddin deg tsefrant yeɣḍem amsuɣal n Lezzayer akked yiman-is, akked umezruy-is, d tiririt s abrid n tmurt seg ɛeddant tucḍiwin n yiseggasen-a ineggura, i d-yenna uneɣlaf Amezwaru, Abdelaziz Djerad.
LEZZAYER TAMANEƔT – Wekkden-d kra n yineɣmasen n tɣemsa taɣelnawt, ass n usamas, tiɣri i « unebges ujhid » i lmend n udraw deg tsefrant n ucegger n tmenḍawt ass n 1u n Wamber.
LEZZAYER TAMANEƔT – Yenna-d ujiniṛel n tfekka n tredsa, Said Chanegriha, aɣella n yiɣallen umrigen n Tredsa Taɣelnawt Taɣerfant, ass n usiḍyas deg Wehṛan, dakken tuzwirt n Lezzayer, yellan deg tegnit d taxatart, nettat d « acegger n tmenḍawt » s uciweṛ n uɣref ara d-yinin tannayt-nnes s tlelli d tnaya, ɣef wakken ay d-yenna yiwen n ulɣu n uɣlif n umzaɣ aɣelnaw.
LEZZAYER TAMANEƔT – Yettunefk, ass n ukwas deg Lezzayer Tamaneɣt, warraz n uselway n tegduda n uneɣmas amsadur i wid ay t-id-irebḥen, yernu tella-d teẓrigt n warraz-a, aseggas-a, s usentel n « Umḍin d tanezgart i tmeṣkiwt n Lezzayer tamaynut ».