LEZZAYER TAMANEƔT – Tanegga n Telɣutin taɣelnawt Tanegga n Yisalan n Lezzayer (APS) akked Tnegga n tɣamsa n Tegduda tislamant n Yiran (IRNA), stenyan ass n ttlata deg temdint n Lezzayer, yiwet n tsektayt n umsegzi i umbiddel n telɣut.
LDZAYER TAMANEƔT – Yemgerrad wektamur n weḍfar n usunded umi d-ɣran 5 n yenmula n ussegmi, ass n ttlata, seg uɣerbaz ɣer wayeḍ deg wakal aɣelnaw.
LDZAYER TAMANEƔT, 21 Fuṛaṛ 2018 – Tenna-d twilayt n Ldzayer deg yiwen n welɣu dakken aḥric wis sin n temhelt tis 23 n wesgiǧǧi n wid yessutren tanezduɣt deg twilayt-a ad d-tḥaz 10 n tdayṛiwin d 2000 n twaculin ay izedɣen ibeṛṛaken ed yiderbuzen. Imdanen-a ad d-sfaydin seg tnezduɣin tinmettiyin deg yiɣaramen imaynuten n tɣiwant n Ddwira, ɣef leḥsab n welɣu-a.
LEZZAYER TAMANEƔT – Tessedrem yiwet n tsensirt n Tredsa taɣelnawt taɣerfant (ANP) deg Bumerdas yiwet n lbumba yettwagen s ufus, i d-yenna ass n ttlata deg yiwen n ulɣu uɣlif n Temḥaddit taɣelnawt (MDN). ‘’Deg ukatar n umennuɣ mgal n yiremmaɣen, yiwet n tsensirt n Tredsa taɣelnawt taɣerfant (ANP) tessedrem, ass n 19 furar 2018, deg Bumerdas (Tamnaḍt taserdasant tamenzut), yiwet (01) n lbumba yettwagen s ufus’’, i d-yesseddi uɣbalu-nni.
LDZAYER TAMANEƔT, 20 Fuṛaṛ 2018 – Iɛedda usenfar n usaḍuf ɣef tnezzut taliktṛunant, ass n ttlata, s tegti deg Wegraw Aɣerfan Aɣelnaw deg yiwet n tɣimit tačuṛant ay yessekwi Mass Said Bouhadja, aselway n wemni, s weḥdaṛ n tneɣlaft n tnazent, Imane Houda Feraoun.
LEZZAYER TAMANEƔT – Ajiniral n Tfekka n Tredsa, Ahmed Gaïd Salah, anmazul n uneɣlaf n Temḥaddit taɣelnawt, Aɣella n Yifesyanen n Tredsa taɣelnawt taɣerfant, ad yesselwi azekka n ttlata timlilit taseggasant n teɣda n yikataren akked yimasayen n temṣukin n usileɣ n Tredsa taɣelnawt taɣerfant, deg Uɣerbaz agtatwil, n Lberǧ Lbeḥri, ideg ara yeg yiwet n tirzi n umahil, i d-yenna ass n letniyen uɣlif n Temḥaddit taɣelnawt deg yiwen n ulɣu.
LDZAYER TAMANEƔT – Temlal tneɣlaft n ussegmi, Nouria Benghabrit, ass n lḥedd tameddit, deg tesɣimt n weɣlif-nnes, d yigensasen n tegrenmalut n yenmula ifulmanen n ussegmi akken ad skeyden tiɣerɣert n yissutren n yiselmaden ay yebḍan ad gen amgaru ussan n 20 d 21 Fuṛaṛ.
LEZZAYER TAMANEƔT - Yefka-d iman-is yiwen n uremmaɣ i yiduba iserdasanen n Tmenɣast ass n lḥedd, aya almend n wussisen i gan yiɣallen n Tredsa taɣelnawt taɣerfant, i d-yenna yiwen n ulɣu n uɣlif n Temḥaddit taɣelnawt.
TAMENƔAST – Aselway n Tegduda, Abdelaziz Bouteflika yenna-d ass n lḥedd dakken aɣref azzayri yessefk ad yeddu deg ubrid n tneflit s usenned ɣef tmezgiyin timezruyanin tiɣelnawin, i t-yesgerwen, i t-yesduklen iḍelli d wass-a.
TAMENƔEST – Yesselwi uneɣlaf n yemjahden, Tayeb Zitouni, ass n lḥedd deg Tmenɣest, iseksal unṣiben n wesfugel n Wass Aɣelnaw n Umeɣrus (18 Fuṛaṛ).