Menu principal

Menu principal

Taɣellist taẓewrant teḍmen ar iseggasen 2040-2050

Yeffeɣ-d ass n : Laṛebɛa, 28 Tubeṛ 2020 20:14   Ɣran-t : 3 n tikkal
Taɣellist taẓewrant teḍmen ar iseggasen 2040-2050

ƐIN  TIMUCENT - Aneɣlaf n Teẓwert, Abdelmadjid Attar, yenna-d, ass n usinas (ttlata) deg Ɛin Timucent, dakken "taɣellist taẓewrant teḍmen ar iseggasen 2040-2050 maca llan yiberdan-iḍen ɣef waya i yessefk ad nesmemmi asaḍuf amaynu ɣef yiserɣan akken ad nessebɣes ticcerka akken ad nemhes ayen nesɛa n teẓwert".

"Ayen i d-yegran n teẓwert itebten la ineqqes maca llan wallalen-iḍen, ɣef waya i yessefk ad nesmemmi asaḍuf amaynu ɣef Yiserɣan. Aql-aɣ la nettmahal akken ad neg iḍrisen n usnas i wakken ad nessebɣes ticcerka akked umhas n wayen nesɛa n teẓwert", i d-yenna Mass Attar deg yiwet n tseɣrut i tɣamsa ɣer tama n tirzi-is n umahil akked uswaḍ deg ugezdu n Ɛin Timucent.

Yerna yenna-d : " taɣellist taẓewrant teḍmen ar iseggasen 2040-2050 almend n uxzan yellan, yerna ad nkemmel ad nessiǧew acku tadamsa n tmurt teḥwaǧ idrimen i d-ikeccmen seg yiḥerqan anda ma ulac sya ar 10 n yiseggasen i d-iteddun".

Iḥettet daɣen uneɣlaf, ɣef wakken yessefk "ad d-nesseḍru tikkin taẓewrant s useddu n teẓwert i d-yettuɣalen, asnefli n teẓwar tafukant, tin n ubeḥri akked tiyaḍ akked useɣẓen n uceqdec n teẓewran akken ad ncuḥ ɣef yiɣbula ur d-nettuɣal ara akken ad nḥareb fell-asen i tsutwin i d-iteddun akka ara neḍmen taɣellist taẓewrant s usexleḍ n teẓwar gar tiẓwar ur d-nettuɣal ara (apiṭrul akked wurrig) akked tid i d-yettuɣalen".

Last modified on Lḥedd, 08 Wamber 2020 09:16
Taɣellist taẓewrant teḍmen ar iseggasen 2040-2050
  Yeffeɣ-d ass n : Laṛebɛa, 28 Tubeṛ 2020 20:14     Taggayt : TADAMSA     Ɣran-t : 3 n tikkal   Bḍu