Menu principal

Menu principal

Gaïd Salah : aslelli n teɣdemt seg wuguren yessaweḍ-itt ad teg tuɣdaḍt-is "deg tlelli"

Yeffeɣ-d ass n : Laṛebɛa, 22 Mayu 2019 16:05   Ɣran-t : 7 n tikkal
Gaïd Salah : aslelli n teɣdemt seg wuguren yessaweḍ-itt ad teg tuɣdaḍt-is "deg tlelli"

LEZZAYER  TAMANEƔT – Ajiniral n tfekka n Tredsa, Ahmed Gaïd Salah, anmazul n uneɣlaf n Temḥaddit taɣelnawt, aɣella n Yifesyanen n Tredsa taɣelnawt taɣerfant, yenna-d sdat n yikataren n Temnaḍt taredsant tis kuẓ deg Waregla dakken ‘’aslelli n teɣdemt’’ seg ‘’wuguren, iɣil akked uḥettem’’, yessaweḍ-itt ad teg tuɣdaḍt-is ‘’deg tlelli akked usizdeg n tmurt seg usgufsu’’.

Mass Gaïd Salah, i yellan la d-yettmeslay deg wass wis 4 seg tirzi-s ɣer Temnaḍt-a taredsant, yenna-d dakken seg gar ssebbat n tumert n yiɣermanen, ‘’aslelli n teɣdemt seg wakk talɣiwin n wuguren, iɣil akked uḥettem, d ayen i ttyessawḍen ad tmahel tuɣdaḍt-is s tlelli akked usizdeg n tmurt seg usgufsu’’, i d-yenna ass n ukras (larebɛa) yiwen n ulɣu n uɣlif n Temḥaddit.

Yenna-d dakken ‘’maca, llant kra n teɣriwin n tegrawt-a la ttaɛraḍen akken ad sxeṣren tikli-a taheggart s telɣutin n tkerkas i la ssedduyen deg tmurt i yimdanen, ttinin-as dakken asɛeddi deg ccreɛ n yimesgufsa mačči d tin i yezwaren’’, yessefk ‘’ad neḥbes’’ tikli-a, ‘’alamma d nefren aselway n tegduda amaynut d netta ara yesɛeddin deg ccreɛ imakuren-a’’.

Iswan n tidet yellan deffir n waya d aneɛruḍ s wakk allalen i wakken ad gen uguren i yikli-a taɣelnawt tameqqrant, akken ad menɛen yiqerra akked yicriken-nsen seg yifassen n teɣdemt’’, i yerna yenna-d Mass Gaïd Salah.

Aɣella n yifesyanen n Tredsa taɣelnawt taɣerfant yules-d i wawal, almend n tegnit-a, ‘’addud-is netta s timmad-is werǧin ad ibeddel, ɣer yidis n uɣref azzayri, s wudem ameɣẓan, seg wul, deg tikliwin-a timelwiyin yewwan, akked wussisen n tsuda n Uwanak akked tsudut n teɣdemt’’.

Last modified on Laṛebɛa, 22 Mayu 2019 16:08
Gaïd Salah : aslelli n teɣdemt seg wuguren yessaweḍ-itt ad teg tuɣdaḍt-is "deg tlelli"
  Yeffeɣ-d ass n : Laṛebɛa, 22 Mayu 2019 16:05     Taggayt : LEZZAYER     Ɣran-t : 7 n tikkal   Bḍu