Menu principal

Menu principal

Tiṛmisin timecṭuḥin d tlemmasin: Tamyaqqant gar Sonelgaz d Tnegga n Usemres n Yilemẓiyen

Yeffeɣ-d ass n : Ljemɛa, 23 Tubeṛ 2020 16:21   Ɣran-t : 0 n tikkal
Tiṛmisin timecṭuḥin d tlemmasin: Tamyaqqant gar Sonelgaz d Tnegga n Usemres n Yilemẓiyen

LEZZAYER TAMANEƔT – Tezmel Teṛmist Taɣelnawt n Usedger n Tetrist d Wurrig (Sonelgaz) d Tnegga Taɣelnawt n Udhal n Usemres n Yilemẓiyen (ANSEJ), ass n ukwas deg Lezzayer Tamaneɣt, tamyaqqant-akatar i tmunit n teṛmisin tilemmasin d tmecṭuḥin, timguriwin timecṭuḥin d tlemmasin d teṛmisin n tesnatwilin timaynutin.

Deg tfugla-a n uzmal, ixebber-d uselway-anemhal amatu n Sonelgaz, Chahar Boulekhras, dakken tamyqqant-a ad tesselhu asefrek n kra n tɣawsiwin.

Iwekked-d dakken tiṛmisin timecṭuḥin d tlemmasin yessefk ad urarent tamlilt n useɣnew n tbuɣar tidamsanin yernu, i lmend n waya, yessefk ad yettwaḍfer umedya adamsan almani, ɣef wakken ay d-yerna Mass Boulekhras ay yulsen iwekked-d adhal n Sonelgaz i teṛmisin-a d udraw-nnes deg usnegmu n tdamsa taɣelnawt.

Ma d aneɣlaf anesmigal ɣer uneɣlaf amenzu d-yelhan s temẓermisin, Nassim Diafat, yesmekti-d anmeqqen n uwanak ɣer teṛmisin timecṭuḥin d tlemmasin d teṛmisin n tesnatwilt tamaynut, yernu yenna-d dakken yessaram ad yili wassaɣ n laman gar yidisan n udhal n teṛmisin d yilemẓiyen ay tent-yessefraken.

Aneɣlaf n teẓwert, seg yidis-nnes, yenna-d dakken tamyaqqant-a tedda srid deg ubrid d tmuɣli n uwanak yerzan amyessmad aɣelnaw deg unrar n tdamsa.

 

Tiṛmisin timecṭuḥin d tlemmasin: Tamyaqqant gar Sonelgaz d Tnegga n Usemres n Yilemẓiyen
  Yeffeɣ-d ass n : Ljemɛa, 23 Tubeṛ 2020 16:21     Taggayt : TADAMSA     Ɣran-t : 0 n tikkal   Bḍu