Menu principal

Menu principal

Djerad iger-d tiɣri i urẓam n tidet deg unrar n temguri

Yeffeɣ-d ass n : Lexmis, 22 Tubeṛ 2020 11:53   Ɣran-t : 0 n tikkal
Djerad iger-d tiɣri i urẓam n tidet deg unrar n temguri

TABATENT – Iwekked-d uneɣlaf amenzu, Abdelaziz Djerad, ass n ukras, deg yiwet n terzi n umahil ɣef twilayt n Tbatent, dakken tamuɣli n unabaḍ d tin iwehhan ɣer « urẓam n tidet deg unrar n temguri » i « useɣnew n ticcurkiwin turbiḥin i wakk idisan ara yettekkin deg-sent ».

Mi yeẓẓunẓa asuddis n ufaresn turbinin n wurrig d yiraggen n « General Electric Algeria Turbine » (GEAT) ay d-yettwasɣenwen deg ukatar n ticcurka tazzayrit-tamarikanit gar Sonelgaz d General Electric, Mass Djerad yenna-d dakken yessaram ad iwali asfaylu-a amguran ameqqran d win ara d-yebdun « anmireg » d tesdawit aydeg ara yettekki, ladɣa, Uɣerbaz Aɣelnaw Imineg n Teẓwar d-Yetteqqlen, Tawennaḍt d unegmu Unzig.

« Deffir uẓunẓu n usenfar-a yellan d amezwaru n wanaw-nnes deg Tefriqt, nezmer ad d-nini dakken tamguri n tmurt-nneɣ ters deg tmeẓla, tamyadast d tesnarrayt ara tt-yeǧǧen ad tili deg wadur amezwaru », ɣef wakken ay d-yenna Mass Djerad ay d-ixebbren daɣ dakken yessaram ad yessihrew yernu ad yesnegmu ticcurkiwin am ti deg yimal.

Uqbel aya, yeẓẓunẓa Aɣerbaz Aɣelnaw Imineg n Teẓwar d-Yetteqqalen, n Twennaḍt d Unegmu Unzig deg Tesdawit n Umeɣrus Mostefa Ben Boulaid (Tabatent 2), yernu iger-d tiɣri i useɣnew n « uẓeḍwu n unmireg » gar teẓdarin tiɣelnawin yeddren deg Lezzayer d tin yeddren deg uzɣar.

« Tasdawit tesɛa tiẓdarin ibanne ay izemren ad d-frurint deg tɣula-a yernu d tamasit n yiselmaden akken ad mahlen i lmend n uwelleh n yimezrawen akken ad snegmun tisnatwilin timaynutin, asemḍen, taɣist tagemdant d tdamsa n tmussni », ɣef wakken ay d-yenna uneɣlaf amenzu.

 

Last modified on Lexmis, 22 Tubeṛ 2020 17:01
Djerad iger-d tiɣri i urẓam n tidet deg unrar n temguri
  Yeffeɣ-d ass n : Lexmis, 22 Tubeṛ 2020 11:53     Taggayt : TADAMSA     Ɣran-t : 0 n tikkal   Bḍu