Menu principal

Menu principal

Anfafad bu uqacuc: Lexṣaṣ n rrbeḥ n 10 n yimelyaṛen n yidulaṛen deg Sonatrach

Yeffeɣ-d ass n : Ttlata, 20 Tubeṛ 2020 13:12   Ɣran-t : 0 n tikkal
Anfafad bu uqacuc: Lexṣaṣ n rrbeḥ n 10 n yimelyaṛen n yidulaṛen deg Sonatrach

LEZZAYER TAMANEƔT – Tagrawt taɣelnawt n n tmerɣa n Sonatrach yella-d ɣer-s lexṣaṣ n rrbeḥ n 10 n yimelyaṛen n yidulaṛen gar tezwara n 2020 d Ctembeṛ n useggas-a ma nquren tallit-a ɣer tin n 2019, yernu yella-d lexṣaṣ-a n rrbeḥ ɣef lǧal n tkaɣreft n unfafad bu uqacuc. Ɣef waya, yenqes uzwil n yiweẓla n usiǧew n tegrawt-a s 41%, ɣef wakken ay d-tenna tecrawt n uɣlif n teẓwert.

Yettwakcef-d waya deg yiwet n tecrawt ay d-yeffɣen ass n uynas i lmend n temlilit gar uneɣlaf n teẓwert d yinemhalen n twilayin n ugzum-nnes.

Ɣef leḥsab n tecrawt-a, tagrawt n Sonelgaz tella-d deg-s lexṣara n 18,7 n yimelyaṛen n yidinaṛen ɣef lǧal n unqas n usuder imi ay yenqes urmud adamsan am wakken ay yerna umerwas n Teṛmist n Usedger n Tetrist d Wurrig deg tallit-nni.

Taṛmist n Naftal iḥuza-tt ula d nettat unfafad bu uqacuc n Covid-19 s lexṣara n 41 n yimelyaṛen n yidinaṛen deg 9 n wayyuren imezwura n useggas-a.

Daɣn, ula d afurk n Sonarach yemmuzzgen deg umesni agennan, Tassili Airlines, tḥuza-tt lexṣara n 1,5 d amelyaṛ n yidinaṛen.

 

Last modified on Laṛebɛa, 21 Tubeṛ 2020 13:48
Anfafad bu uqacuc: Lexṣaṣ n rrbeḥ n 10 n yimelyaṛen n yidulaṛen deg Sonatrach
  Yeffeɣ-d ass n : Ttlata, 20 Tubeṛ 2020 13:12     Taggayt : TADAMSA     Ɣran-t : 0 n tikkal   Bḍu