Menu principal

Menu principal

Asenfar n usaḍuf n tedrimt n 2021: 50 n yimelyaṛen n yidinaṛen i wasunen n tili

Yeffeɣ-d ass n : Ttlata, 20 Tubeṛ 2020 12:27   Ɣran-t : 0 n tikkal
Asenfar n usaḍuf n tedrimt n 2021: 50 n yimelyaṛen n yidinaṛen i wasunen n tili

LEZZAYER TAMANEƔT – Ad d-heyyin 50 n yimelyaṛen n yidinaṛen i usidrem n yisenfaren ara d-yilin deg wasunen n tili deg ukatar n usenfar n usaḍuf n tedrimt n 2021, ɣef wakken ay d-tenna, ass n uynas, tneɣlaft n wassaɣen d umni, Basma Azouar.

Taneɣlaft tenna-d aya deg tririt-nnes ɣef tuttriwin n yimaslaḍen n Tesmilt n Tedrimt d Umarud deg Ugraw Aɣerfan Aɣelnaw, yernu twekked-d, deg tɣimit ay d-yellan i uskasi ɣef usenfar n usaḍuf n tedrimt n 2021, dakken 50 n yimelyaṛen n yidinaṛen ara d-yettwaheyyin i usidrem n yisenfaren ara d-yilin deg wasunen n tili deg ukatar n wahilen inɣiwanen n usnegmu.

Nnig tallayt-a, llan daɣ yidrimen ay d-yettwaheyyan i yimaruden igzumanen ay izemren ad ttwassekkin ɣer wasunen-a deg ukatar n temhal n usgalef, ɣef wakken ay d-tenna Massa Azouar.

I lmend n temhal-a, ttwaheyyan-d azal n 8.500 n yisenfaren ay d-yettilin yernu ad d-sqamen 145 n yimelyaṛen n yidinaṛen.

Seg yidis niḍen, ametwi n tallalt i usnummed amsadur, txebber-d tneɣlaft dakken 355.000 n yimdanen ay yetteddun ad d-sfaydin seg waya deg tallit n 3 n yiseggasen, yernu tenna-d dakken d tisekkirin d tewtilin yerzan aya ay yessaẓyen asnummed amsadur n yimdanen-a.

 

Asenfar n usaḍuf n tedrimt n 2021: 50 n yimelyaṛen n yidinaṛen i wasunen n tili
  Yeffeɣ-d ass n : Ttlata, 20 Tubeṛ 2020 12:27     Taggayt : TADAMSA     Ɣran-t : 0 n tikkal   Bḍu