Menu principal

Menu principal

Ur tettɛeḍḍil ara ad tettwazmel tanaḍt taslekmant i usuddes n wasunen imguranen

Yeffeɣ-d ass n : Lḥedd, 18 Tubeṛ 2020 12:17   Ɣran-t : 5 n tikkal
Ur tettɛeḍḍil ara ad tettwazmel tanaḍt taslekmant i usuddes n wasunen imguranen

LEZZAYER TAMANEƔT – Ixebber-d uneɣlaf amenzu, Abdelaziz Djerad, ass n usiḍyas deg Ǧelfa, ɣef uzmal n tanaḍt taslekmant i usuddes n wasunen imguranen.

« Aql-aɣ qrib ad nezmel tanaḍt taslekmant yerzan asuddes n wasunen imguranen aydeg tella kra n twernaḍt », ɣef wakken ay d-yenna Mass Djerad mi yeẓẓunẓa, deg ukatar n terzi-nnes n umahil d uswaḍ ɣef Ǧelfa, taneɣraft n wallus n useqdec n yiferki deg Ɛin Wessara, ay yettwaqqnen, seg melmi kan, ɣer uẓeḍḍa atrisan.

Iwekked-d Mass Djerad dakken anabaḍ « ad yesseḥbiber ɣef usedger afrawan d usuddes ameɣẓan n wakal amguran », yernu ixebber-d dakken ad reẓmen ifurka ibankanen deg wasunen-a am wakken ay ttgent tmura niḍen.

Yenna-d, i lmend n waya, dakken « tijummiwin yettunefken zik i mennaw n yimdanen yernu ur tent-umiden ara » ad asen-ttwakksent akken ad ttunefkent i yimseftiyen n tidet.

Lezzayer « tesɛa akk tizemmar d teẓdarin tilsanin yessefken akken ad tesmel tamguri n uselket i usedwet n yisraten-nnes iɣelnawen, » ɣef wakken ay d-yerna uneɣlaf amenzu.

 

Last modified on Letniyen, 19 Tubeṛ 2020 13:45
Ur tettɛeḍḍil ara ad tettwazmel tanaḍt taslekmant i usuddes n wasunen imguranen
  Yeffeɣ-d ass n : Lḥedd, 18 Tubeṛ 2020 12:17     Taggayt : TADAMSA     Ɣran-t : 5 n tikkal   Bḍu