Menu principal

Menu principal

Tuddsa n Temsiǧwin n Upitṛul d Tecrikin-nsent: Timlilit tis 23 n tseqqimt taɣlifant deg 19 Tubeṛ

Yeffeɣ-d ass n : Ljemɛa, 16 Tubeṛ 2020 09:34   Ɣran-t : 7 n tikkal
Tuddsa n Temsiǧwin n Upitṛul d Tecrikin-nsent: Timlilit tis 23 n tseqqimt taɣlifant deg 19 Tubeṛ

LEZZAYER TAMANEƔT – Timlilit tis 23 n Tseqqimt Taɣlifant Tuxliḍt n Uḍfar n Umtawa n Tuddsa n Tmura Timsiǧwin n Upitṛul d Tecrikin-nsent ad d-tili ass n 19 Tubeṛ, ɣef wakken ay d-tenna, ass n ukwas, Tuddsa n Tmura Timsiǧwin n Upitṛul deg yiwen n ulɣu ay d-yeffɣen deg usmel-nnes n Internet.

« Tuddsa n Tmura Timsiǧwin n Upitṛul tga, ass n ukwas, timlilit-nnes tis 45 n Tseqqimt Tatwilant Tucrikt s usarag n teẓri i usewjed i temlilit tis 23 n tseqqimt taɣlifant tucrikt ara d-yilin ass n 19 Tubeṛ 2020 », ɣef wakken ay d-yenna uɣbalu-a.

Deg temlilit-a, yessawel-d uwnetlay amatu n Tuddsa n Tmura Timsiǧwin n Upitṛul, Mohammad Sanusi Barkindo, amhaz n wulzuz apitṛulan yernu yenna-d dakken « ugar n mraw n wayyuren aya segmi ay nettmahal ddukkli mgal tezɣent n wulzuz ur yesɛin tamlit deg umezruy ».

Mass Barkindo yerna-d dakken amlu amayyur n Tuddsa n Tmura Timsiǧwin n Upitṛul ɣef wulzuz apitṛulan yessefray dakken afaris agensi anusem anmaḍal ad d-yenqes s 4% aseggas-a, maca ad d-yali s 4,6% deg 2021.

Yenna-d daɣ dakken tuddsa tessefray dakken asuter n upitṛul deg 2020 ad yeqqim cwiṭ nnig 90 n yimelyunen n tbettiyin deg wass. S waya, asuter aseggasan yenqes-d s 10%.

Mi yessekyed arid n wulzuz apitṛulan s lqis ubɛid, yenna-d Barkindo dakken « World Oil Outlook [amlu aseggasan n Tuddsa n Tmura Timsiǧwin n Upitṛul n 2020) ay d-yebdan seg melmi kan, yettwali dakken asuter anmaḍal n teẓwert-a tagejdant irennu yernu yettkemmil anerni-nnes yernu ad yaweḍ unerni-a ɣer 25% deg 25 n yiseggasen ay d-yetteddun ».

 

Last modified on Lḥedd, 18 Tubeṛ 2020 12:30
Tuddsa n Temsiǧwin n Upitṛul d Tecrikin-nsent: Timlilit tis 23 n tseqqimt taɣlifant deg 19 Tubeṛ
  Yeffeɣ-d ass n : Ljemɛa, 16 Tubeṛ 2020 09:34     Taggayt : TADAMSA     Ɣran-t : 7 n tikkal   Bḍu