Menu principal

Menu principal

Tettwaheyyay-d tferkit n ubrid i tsenselkimt n usigna

Yeffeɣ-d ass n : Ljemɛa, 16 Tubeṛ 2020 09:16   Ɣran-t : 4 n tikkal
Tettwaheyyay-d tferkit n ubrid i tsenselkimt n usigna

LEZZAYER TAMANEƔT – Ttheyyin-d ussan-a yiwet n tferkit n ubrid i tsenselkimt n usigna (adaf ɣer yimeẓla iselkimanen s Internet sɣur umessis), ɣef wakken ay d-yenna, ass n ukwas deg Lezzayer Tamaneɣt, uneɣlaf n tnazent d tliɣwalt, Brahim Boumzar.

« Ad nessiweḍ, deg wussan ay d-yetteddun, ɣer yiẓid amezwaru n tferkit n ubrid yerzan tasenselkimt n usigna ara d-nessemned i wakk imsemhal ay terza temsalt akken ad ten-nessebɣes akken ad ssefrin deg tɣult-a », ɣef wakken ay d-yenna uneɣlaf i Tnegga n Yisalan n Lezzayer deg yijifeṛ n yiwen umyager n umciweṛ d yimsemhal inagduden d wusligen yettmahalen deg usezdeɣ n yimeẓla n tsenselkimt n usigna.

Gar teṛmisin ay iderwen deg umyager-a, tella ATM Mobilis, Electronic Business Services, Icosnet, AP Cloud d Tnegga n Yisalan n Lezzayer.

Mass Boumzar yessegza-d dakken amyager-a yella-d d talemmiẓt i usekyed n yiḍrisen iglugnanen d yizmamen n tewtilin inebbḍen armud-a d wunjugen ibiruqraṭiyen d yideblanen ay ibedden deg ubrid n ussefti deg tɣult-a.

I usmekti, iheyya-d Udabu n Useɣyed n Tnazent d Teɣwalin Tiliktṛunanin theyya-d azmam n tewtilin deg 2017 i lmend n usegrer n yirmuden n usezdeɣ n yimeẓla n tsenselkimt n usigna.

 

Tettwaheyyay-d tferkit n ubrid i tsenselkimt n usigna
  Yeffeɣ-d ass n : Ljemɛa, 16 Tubeṛ 2020 09:16     Taggayt : TADAMSA     Ɣran-t : 4 n tikkal   Bḍu